#CS2 850,000 ам.долларын шагналын сантай "Thunderpick World Championship 2024" тэмцээний B хэсэгт Оросын "Cloud9", Британийн "Fnatic" багуудыг хожиж playoffs-т шалгарлаа.

"GAM3RS_X" болон "GRID"-ээс зохиож буй 850 мянган ам.долларын шагналын сантай "Thunderpick World Championship 2024" тэмцээн үргэлжилж байна.

Тэмцээнд урилгаар оролцож буй Монголын "The MongolZ" баг хэсгийн шатанд Оросын "Cloud9" багийг 2-0 (Dust II 13-11, Ancient 13-11), Британийн "Fnatic" багийг 2-0 (Mirage 13-11, Dust II 13-7) харьцаагаар тус тус хожиж playoffs-т шалгарлаа.

Кирил "Boombl4" Михайлов ахлагчтай орос багийн эсрэг Мөнхболдын "Senzu" Азбаяр 84.6 ADR (Average Damage per Round)-тай багаа тэргүүлсэн бол Александр "bodyy" Пианаро ахлагчтай Fnatic-ын эсрэг багийн ахлагч Бямбасүрэнгийн "bLitz" Гарьдмагнай 95.9 ADR-тай тэргүүлэв.

• The MongolZ-ын уригдсан "Thunderpick World Championship" өнөөдөр эхэлнэ
• The Huns баг ESL Challenger League-ээс хасагдлаа
• ATOX Хятадын Lynn Vision Gaming багийг хожин финалд шалгарлаа

Арваннэгдүгээр сарын 3-ны дуустал үргэлжлэх тэмцээний 16 баг дөрвөн хэсэгт хуваагдаж нэг удаа хожигдох эрхтэй буюу "double-elimination format" системээр тоглож байна. Хэсэг тус бүрээс хоёр баг playoffs-т шалгарна.

Хагас шигшээ хүртэлх тоглолтууд онлайнаар болох ба шилдэг дөрвөн баг Германы Берлин хотын "LVL Dome Arena" цэнгэлдэхэд тоглоно.

Хэдхэн хоногийн өмнө Финландын Эспоо хотод болсон "Elisa Masters Espoo 2024" тэмцээнд 3-4-р байр эзэлж (Хагас шигшээд талбайн эзэн баг ENCE-д 1-2 харьцаагаар хожигдсон) 15,000 ам.долларын шагнал авсан монгол залуусын playoffs-ын учраа баг тодроогүй байна.