Монголын эдийн засгийн форум 2025 маргааш өглөө 09.00 цагт Төрийн ордонд эхэлнэ. Ерөнхий сайд Г.Занданшатар өнгөрсөн сарын 10-нд ажлаа авсан. Түүний Засгийн газрын анхны форум маргааш эхлэх гэж байна. 

Гүйцэтгэх засаглалын тэргүүн МАН-ын бага хурлын үеэр гишүүдийн асуултад хариулахдаа "Би Л.Оюун-Эрдэнийн эхлүүлсэн бодлогыг үргэлжлүүлнэ. Эдийн засгийн өсөлтөд анхаарч, хоёр хөрштөйгээ ярилцана" гэсэн юм. Эдийн засгийн хөгжлийн сайд Н.Учрал "Эдийн засгийн өсөлт саарч буй үед Засгийн газар дагаад зардлаа танаж болохгүй" гэсэн байр суурьтай байна. 

Хоёр өдөр үргэлжлэх эдийн засгийн форумаар сарын өмнө томилогдсон сайд нар цаашид ямар бодлого баримтлан ажиллах нь илүү тодорхой болно.   

Маргаашийн эхний илтгэлийн сэдэв Монгол Улсын эдийн засгийн тэргүүлэх чиглэл. Энэ хэсэгт оролцогчид ууд уурхайг дуу нэгтэй нэрлэх үү эсвэл мэдээллийн технологи, хөдөө аж ахуй гэх мэт өөр салбарыг онцлох уу гэдэг нь анхаарал татаж байна. 

Хуралд төр засгийн 500, хувийн хэвшлийн 700, ТББ-ын 900 орчим хүн оролцохоор бүртгүүлжээ. Хуралд оролцох монгол иргэн нэг сая төгрөг, гадаад улсын иргэн 500 ам.доллар төлсөн байна.