Бага насны хүүхэд хүчиндэх гэмт хэрэгт буруутгагдан цагдан хоригдож байсан этгээд оргосон. Гэхдээ түүнийг олж баривчилсан тухай Шүүхийн шийдвэр гүйцэтгэх ерөнхий газраас мэдээллээ.

Тодруулбал, 28 настай М.Т  урьд нь гурван удаагийн ял шийтгэл эдэлж байсан. Хамгийн сүүлд Эрүүгийн хуулийн тусгай ангийн 12.1 дүгээр зүйлийн 4 дэх хэсэгт зааснаар буюу насанд хүрээгүй хүүхдийг хүчиндсэн гэмт хэрэгт холбогдон, ял шийтгүүлжээ.

Түүнийг өчигдөр (2025.07.06) хорих ангиас оргосон тул эрэн сурвалжилж байгаа тухай цагдаагийн байгууллагаас мэдээлсэн юм. Цагдаагийн албан хаагчид оргодол М.Т-г Сэлэнгэ аймгийн Сүхбаатар сумын 3-р багийн нутаг дэвсгэрт ууланд нуугдаж байхад нь олж барьжээ.