Монгол Улсын Гавьяат жүжигчин, балетчин Д.Алтанхуягийг Ч.Номин сайдын тушаалаар 2024 оны аравдугаар сарын 28-нд ДБЭТ-ын захирлаар томилсон билээ. 

Өнөөдөр Ажилтан албан хаагчдын үйлдвэрчний эвлэлийн холбооноос, УДБЭТ-ын уран бүтээлчид, гишүүд мэдээлэл хийсэн. Тодруулбал тус театрын Захирал МУГЖ Д.Алтанхуяг болон удирдлагын багийг яаралтай огцруулах шаардлагатай хэмээн тэд үзэж буй юм. Учир нь тэдний санал, хүсэлтийг нь огт хүлээж авдаггүй, ашиг сонирхлын зөрчилтэй, театрын санхүүг хяналтгүй зарцуулж буйг тэд шүүмжилж, салбарын шинэ сайдыг уг асуудалд анхаарлаа хандуулахыг хүссэн билээ.

Албан бус мэдээллээр, УДБЭТ-ын уран бүтээлчид, ажилтнууд ажил хаялт зарлаж, наадмын нээлтийн үйл ажиллагаанд оролцохгүй гэжээ. 

Харин УДБЭТ-ын цаг үеийн асуудлаар  маргааш буюу 7 дугаар сарын 8-ны 11:00 цагт УДБЭТ-ын захирал Д.Алтанхуяг тайлбар хийх юм байна.