С.Цогтбаяр: Залуус нэгдэж л өөрчлөлтийг хийнэ

Ерөнхий сайдыг огцруулахыг шаардсан жагсаал гурав дахь өдрөө үргэлжилж байна. Монгол Улсын Ерөнхий сайд Л.Оюун-Эрдэнийг огцруулахыг шаардаж иргэд Нийслэлийн төв талбайд жагсаж байгаа билээ. Жагсаалд ирсэн хүмүүс өөрдийн үзэл бодол, дуу хойлоогоо илэрхийлж, ерөнхий сайдыг огцруулах шаардлагад нэгдэн гарын үсэг зурж байна. Өнөөдрийн жагсаалд шог зураач, уран бүтээлч С.Цогтбаяр гуай ирсэн байлаа. Тэрбээр уг жагсаалыг зохион байгуулагч залуусыг дэмжж буйгаа илэрхийлж өөрийнхөө шог зургийг хэвлэсэн футболкыг бэлэглэлээ. Тэрбээр "Залуус үндсэн хуулиар олгогдсон эрхээ эдэлж үг хэлээр үзэл бодлоо илэрхийлж тайван жагсаал цуглаан хийж буйд талархаж байна. Энэ нь том үйлийн эхлэл байх болтугай. Шударга бус байдлыг мэдэж байгаа хэр нь хүмүүс нэгдэж заавал эхлүүлэхгүй л бол өөрчлөлт ирэхгүй. Яг энэ талбай дээр 90-ээд онд яг л энэ залуус шиг хүмүүс олноороо жагсаж цуглан, шаардлага хүргүүлж, өлсгөлөн зарлаж байж нийгмийг өөрчилж чадаж байна. Залуус нэгдэж л өөрчлөлтийг хийнэ. Гэхдээ нам нь, тогтолцоо нь үндсээрээ өөрчлөгдөж байж маш том өөрчлөлт гарах ч эхний алхам бол энэхүү шаардлага байх нь зөв. Япон эсвэл БНСУ-д иргэд нь тэр дундаа залуус нь яаж тэмцэж, өөрчилж чаддаг билээ дээ" гэсэн юм. Зохион байгуулагчид Ерөнхий сайдыг огцортол Сүхбаатарын талбайд жагсахаа мэдэгдээд байгаа билээ. АТГ-аас түүнийг болон хүүг нь шалгах үйл ажиллагааг эхлүүлээд байгаа ба хүү нь гадаадаас ирэхээр нь мэдүүлэг авахаар болжээ.

33+

82