Маргааш буюу есдүгээр сарын 26-нд “Автомашингүй өдөр-2026” арга хэмжээ болно. Мөн “Night Marathon Ulaanbaatar 2026” олон улсын шөнийн гүйлтийг зохион байгуулах юм. Энэ өдрийн нийтийн тээврийн маршрут, замын хөдөлгөөний зохицуулалтын талаар мэдээллээ. 

1. Автомашингүй өдөрт зориулж дээрх бүсчилсэн замыг 26-ны 07:00-18:00 цаг хүртэл хаана.
2. Мөн өдрийн 17:00-23:00 цагт Шөнийн марафоны дараах маршрутуудаар зам хаана. 

ТЦА-ны Урьдчилан сэргийлэх хэлтсийн ахлах байцаагч, цагдаагийн хошууч Г.Отгонтамир “Автомашингүй өдөр-2026” арга хэмжээний үеэр 07:00-18:00 цагийн хооронд тодорхой бүсүүдэд машины хөдөлгөөнийг хязгаарлана. Энэ өдөр цагдаагийн байгууллага хуульд заасан чиг үүргийнхээ хүрээнд олон нийтийн аюулгүй байдлыг хангах, нийтийн хэв журмыг хамгаалах, замын хөдөлгөөний аюулгүй байдлыг хангах чиглэлээр ажиллана. Өнгөрсөн жилүүдтэй харьцуулахад энэ жил замын хөдөлгөөн хязгаарлах бүсчлэл багассан.

“Автомашингүй өдөр”-ийн бүсчлэлд цахилгаан скүтер, мопед, суррон зэрэг цахилгаан хөдөлгүүртэй тээврийн хэрэгслийг нэвтрүүлэхгүй. Тус бүсэд оршин суудаг иргэд тээврийн хэрэгслээ өмнөх өдөр нь бүсчлэлээс гаргаж байрлуулахыг зөвлөж байна. “Шөнийн марафон”-ы үеэр цагдаагийн байгууллагаас замын хөдөлгөөний аюулгүй байдлыг хангаж ажиллана. Иймд иргэд та бүхэн цагдаагийн алба хаагчийн тавьсан хуульд заасан шаардлагыг биелүүлж, замын хөдөлгөөнд соёлтой оролцохыг уриалж байна” гэсэн юм. Мөн шөнө 2 цаг хүртэл нийтийн тээврийн үйлчилгээ явна гэлээ. 

Дэлгэрэнгүйг дараах видеоноос хүлээн авна уу. 

Шөнийн марафоны 5км, 10км, 21км-ын маршрут: