УИХ-ын чуулганы хуралдаан үргэлжилж байна. Төрийн хэмнэлтийн тухай хуулийн зарим хэсэг хүчингүй болсонд тооцох тухай төслийг хэлэлцэж байна. 

Ажлын хэсгийн гишүүнээр УИХ-ын гишүүн Д.Үүрийн туяа ажиллажээ. Энэ төсөлд заанаар, гүйцэтгэх удирдлагууд төрийн компанид ажиллахдаа нэг жилийн гэрээ байгуулдаг байна. Үүнийг гурван жил болгон өөрчилнө.

Учир нь дараа жил ажлаа хийх, эсэх нь тодорхойгүй нөхцөлд хүн бүтээмжтэй ажиллахад хэцүү. Мөн нэг жилд үр дүн гаргахад хангалтгүй хугацаа юм. Гэхдээ гүйцэтгэх удирдлагатай даалгаврын гэрээ байгуулна. Гэрээг ямар нөхцөлд хугацаанаас өмнө цуцлахыг заажээ. Нийт 14 үндэслэл бичсэн нь үүргээ биелүүлээгүй, ТУЗ-д буруу мэдээлэл өгсөн, үнэлгээ хангалтгүй, байгууллагын төсвийг хэтрүүлсэн, төсвийг үр ашиггүй зарцуулсан, KPI үзүүлэлт хангалтгүй, ашигт ажиллагаа өсөөгүй гэх мэт нөхцөлүүдийг оруулжээ.          

Одоо Хөдөлмөрийн гэрээг гүйцэтгэх удирдлагатай байгуулдаг байна. Энэ гэрээнд суурилж, захирлууд шүүхэд ханддаг, халагдах нөхцөл бүрдэхгүй байгааг өөрчилнө гэж УИХ-ын гишүүн П.Сайнзориг тайлбарлав.