Ерөнхий сайд Г.Занданшатарыг огцруулах саналыг Төрийн байгуулалтын байнгын хороогоор хэлэлцэж байна. Энэ үеэр УИХ-ын гишүүн С.Бямбацогт "УИХ-ын гишүүдийг айлган дарамталдаг гэж ярилаа. Яг ямар гишүүдийг яаж дарамталсан бэ? Нэр өгөөч" гэсэн асуулт тавьсан. 

Түүний асуултад УИХ-ын гишүүн П.Сайнзориг "Би хувь хүний асуудал руу халдахгүй. Гэхдээ маш олон баримт байна. Манай намын удирдлагад олон жил явсан ах нар ч байгаа. Бүгд мэдэж байгаа. Мөн төрийн байгууллагуудын аппарат оролцож эхэлж байна.

Ялангуяа хууль хяналт болон аж ахуйн нэгж байгууллагуудыг шалгадаг. Энэ нууц биш. Нэр бүхий компаниуд бий. УИХ-ын гишүүдийн хувийн хамааралтай компаниудад ажил олгосон компаниуд дарамталдаг юм билээ. Ингэж та нар эрх мэдлийн төлөө улайрдаг юм байна лээ. Би гайхсан" гэв.

Түүнчлэн УИХ-ын дарга Д.Амарбаясгалан "Нүүрстэй холбоотой асуудал УИХ-ын түвшинд, төрийн түвшинд, олон нийтийн анхааралд орж ирж байна. Үүнийг тодорхой болгох ёстой. Хэвлэлээр гүтгэж байгаад, хулгайд холбогдсон мэтээр ойлгуулж байгаад огцруулах үндэс гаргаж ирдэг боллоо. Энэ бол дарамт.

С.Бямбацогт гишүүн хэнийг дарамталсан бэ гэж асуугаад байна. Олон гишүүнийг олон шалтгаанаар дарамталж байна. Энэ бүгдийг гишүүд маань ярь" гэв.

Энэ үеэр УИХ-ын гишүүн Ч.Номин мөн "Залуу гишүүдийг дарамталдаг, бүгд мэдэж байгаа" хэмээн ярив.

ШУУД ҮЗЭХ: