ШИНЭ КЛИП: Жастин Бибер “Yukon” дууныхаа клипэд эхнэр, хүүгээ тоглуулжээ

Жастин Бибер “Yukon” хэмээх шинэ дууныхаа клипэнд эхнэр Хэйли болон хүү Жакийгаа тоглуулжээ. Энэ нь поп од Жастин Биберийн олон жилийн дараа гаргаж буй шинэ уран бүтээл юм. “Yukon” дуу нь Жастин Биберийн гэнэтийн “Swag” нэртэй цомогт багтсан бөгөөд клипийг тэрбээр 8-р сарын 5-ны Мягмар гарагт инстаграм болон бусад сошиал сүлжээндээ нийтэлсэн байна. Түүний хүү Жак энэ сард 1 нас хүрэх гэж байгаа бөгөөд клипэнд гэр бүлийнх нь амралтын үеийн ховор агшнуудыг харуулжээ. Тэд 2018 онд гэрлэсэн бөгөөд тэр цагаас хойш хүүгийнхээ зургуудыг тун ховор хуваалцаж байгаа юм. Хар цагаан өнгөтэй энэ клип нь гурвуулаа далайн аялалд гарсан үеийнх нь дурсамжийг өгүүлжээ. 3 минут үргэлжлэх энэ клипт хосуудын ихэнхдээ олон нийтэд харуулдаггүй хүү Жакийн хөөрхөн агшнууд ч багтжээ.

Жастин Бибер “Yukon” хэмээх шинэ дууныхаа клипэнд эхнэр Хэйли болон хүү Жакийгаа тоглуулжээ.

Энэ нь поп од Жастин Биберийн олон жилийн дараа гаргаж буй шинэ уран бүтээл юм. “Yukon” дуу нь Жастин Биберийн “Swag” нэртэй цомогт багтсан бөгөөд клипээ тэрбээр өчигдөр буюу наймдугаар сарын 5-ны Мягмар гарагт инстаграм болон бусад сошиал сүлжээндээ нийтэлсэн байна.

“Хэрвээ би чамд хайргүй байсан бол би яах байсан бол?”

Түүний хүү Жак энэ сард 1 нас хүрэх гэж байгаа бөгөөд клипэд гэр бүлийнх нь амралтын үеийн ховор агшнуудыг харуулжээ. Тэд 2018 онд гэрлэсэн бөгөөд тэр цагаас хойш хүүгийнхээ зургуудыг тун ховор хуваалцсан юм. Хар цагаан өнгөтэй энэ клип нь тэдний далайн аялалд гарсан үеийнх нь дурсамжийг өгүүлжээ. 3 минут үргэлжлэх энэ клипт хосуудын ихэнхдээ олон нийтэд харуулдаггүй хүү Жакийн хөөрхөн агшнууд ч багтжээ.

Хэйли хүүтэйгээ усанд тоглож, түүнийг тэврэн камер луу инээмсэглэнэ. Харин Жакийн царайг камер дээрх усан дуслууд далдалдаг. Клипт Жастин завин дээр бүжиглэж буй хэсэг, Хэйлигийн алмаз шигтгээтэй бөгж, мөн Жастин хүүгээ агаарт өргөж, гэдэс, духыг нь үнсэх агшнууд ч гарна.

Дууны дахилтаас дурдвал “Хэрвээ би чамд хайргүй байсан бол би яах байсан бол?” хэмээдэг. Клип Жастин Бибер нарны тусгал дунд амарч байгаа кадраар клип төгсдөг. Фенүүдийн сэтгэгдлээс дурдвал, Жастин Бибер уран бүтээлч, аав хоёрын үүргээ хэрхэн тэнцвэртэй гүйцэтгэж байгааг үнэлжээ.

“Жастин эхнэр, хүү хоёр нь түүний амьдралд ямар чухал болохыг дуугаараа дамжуулан гайхалтай илэрхийлжээ,” хэмээсэн бол "Энэ клип бүхэлдээ түүний амьдрал байна. Тэр гэр бүлээ, эхнэр, хүүгээ, хувийн завиа, тэр алмаз бөгжийг, аз жаргалаа харуулжээ” гэж бичжээ.

Мөн “Хэйли хүүгээ тэврэн камер руу харах мөч. Түүнд эх хүний дүр үнэхээр зохиж байна!” хэмээсэн бол “Эхнэр хүү хоёртоо зориулсан маш гоё видео байна. Энэ бол хүндэтгэл! Жастины энэ хувилбарыг биширч байна!” гэжээ.

Канадын хойд хэсэгт оршдог бүс нутгийг Yukon гэж нэрлэгддэг бөгөөд АНУ-ын Аляскагийн хажууд байрладаг. Цас мөстэй, уул хадтай, байгалийн онгон төрхөө хадгалсан нутаг.