Төрийн ордонд өнөөдөр (2025.09.23) "Халзан бүрэгтэй" орд газрын ашиглалт, байгаль орчинд үзүүлэх сөрөг нөлөөлөл, эрсдэлийг нарийвчлан судлах ерөнхий хяналтын сонсгол болж байна. 

Сонсголд оролцохоор Ховд аймгаас 65 иргэн ирснийг даргалагч мэдээлсэн. Тэд үг хэлж байна. 

Иргэдийн хэлсэн үгнээс онцолбол: 

• Ургийн гажигтай төлийн бүртгэлийг Ховд аймгийн Мал эмнэлгийн газраас гаргаж өгсөн.
• Ховд аймгийн Мянгад суманд шүтлэгтэй хоёрхон уул бий, нэг нь “Халзан бүрэгтэй”.
• Улаан номд орсон амьтад ойр орчимд нь бий. Олборлолт эхэлбэл маш их сүйрэл учрах экологийн бүс нутаг юм. 
• Байгаль орчны хууль тогтоомж маш их зөрчигдөж байна. 
• Ховд аймгийн Мянгад сумын иргэд сохроор эсэргүүцээд байгаа юм биш. Байгаль орчны тухай, Усны тухай, Цөмийн энергийн тухай хуулийг ямар нэг байдлаар зөрчин үйл ажиллагаа явуулж байна.