АНУ-ын Ерөнхийлөгч Жо Байдены санаачилсан Уур амьсгалын өөрчлөлтийн эсрэг хуулийн үр дүнд хөрөнгө оруулалт эрс өссөн байна

2023 онд АНУ-ын цэвэр эрчим хүч, тээврийн салбарын хөрөнгө оруулалт өнгөрсөн оныхоос 38 хувиар өссөн байна. Тодруулбал: АНУ-ын Ерөнхийлөгч Жо Байдены санаачилсан Уур амьсгалын өөрчлөлтийн эсрэг хуулийн үр дүнд хөрөнгө оруулалт эрс өсөж, 239 тэрбум ам.доллар хүрснийг “Rhodium Group”-ийн судалгаа харууллаа.

Түүнчлэн өнгөрсөн оны IV улиралд хөрөнгө оруулалт өмнөх оны мөн үеэс 40 хувиар өсөж, 67 тэрбум ам.доллар болсон нь шинэ дээд үзүүлэлт болсон байна.

Хамгийн хурдацтай өсөж буй салбар нь ногоон устөрөгч, нөхөн сэргээгдэх нисэх онгоцны түлш, нүүрсхүчлийн хийг ангилан хадгалах технологи зэрэг ногоон технологиуд байгааг шинжээчид тодорхойлжээ. Тухайлбал: эдгээр технологид оруулсан хөрөнгө оруулалт 10 дахин өсөж, 9.1 тэрбум ам.доллар хүрээд байгаа аж. Үүний талаас илүү хөрөнгө оруулалт нь IV улиралд хийгдсэн байна.