Үндэсний их баяр наадмыг тохиолдуулан Монгол Улсын Ерөнхийлөгч төрийн дээд цол, одон медаль гардууллаа.

Гүйлтийн тамирчин Б.Буджаргалд Хөдөлмөрийн гавьяаны улаан тугийн одон гардууллаа. 

Бямбаагийн Буджаргал нь гүйлтийн тамирчин бөгөөд олон улсын тэмцээн уралдаануудад томоохон амжилт гаргадаг билээ. Тодруулбал Монгол, Хятад болон АНУ-д холын зайн гүйлтийн 6-10 хоногийн гүйлтийн тэмцээнд орж түрүүг нь авч байсан бөгөөд 3100 милийн гүйлт бол түүний анхны хамгийн холын зайн гүйлт юм. 

Мөн түүний дээд амжилт бол сар гаруйн өмнө Япон Улсад болсон тэмцээнд зургаан хоног 931 км тасралтгүй гүйж, нэгдүгээр байр эзэлсэн нь Ази тивийн дээд амжилт болж бүртгэгджээ.