Энэ жилийн баяр наадмаар Төрийн есөн хөлт цагаан тугийг шинэчлэн засварлахад 2.5 тэрбум төгрөг зарцуулна гэсэн мэдээлэл гарчээ.

Энэ талаар Үндэсний их баяр наадам зохион байгуулах хорооноос хийсэн хэвлэлийн хурлын үеэр сэтгүүлч тодруулахад Төрийн ёслолын албанаас дараах хариулт өгөв.

Хариулт нь, Төрийн есөн хөлт их цагаан тугийг засаж, шинэчилсэн зүйл байхгүй. Төр засгийн үйлчилгээний төвөөс хадгалалт хамгаалалт, засвар үйлчилгээг хариуцдаг. Энэ хүрээнд арьс, модыг сольж шинэчлэх зэрэг засвар үйлчилгээг цаг тухайд нь хийгээд явдаг. Ийм их хэмжээний мөнгө зарцуулна гэсэн мэдээлэл яагаад гарсныг мэдэхгүй юм гэв.