Ерөнхий сайд Л.Оюун-Эрдэнийн хүүгийн найз бүсгүй Ө.Өгөөмөрийн сүйн бөгж, цүнх, машин гэх мэт цахим хуудаснаа гайхуулсан тэрбум төгрөг давсан тансаглалын эх үүсвэрийг олон нийт шаардаж байна.

Ерөнхий сайд Л.Оюун-Эрдэнэ өнөөдөр /2025.05.14/ Өмнөговь аймгийн Ханбогд сумын нутагт Монгол, Хятадын Гашуунсухайт–Ганцмод боомтын хил дамнасан төмөр замын бүтээн байгуулалтын ажлын нээлтийн ёслолд оролцлоо.

Уг арга хэмжээг сурвалжлахаар 40 орчим сэтгүүлч очсон. Дуулиан тарьсан асуудлаар Ерөнхий сайдаас тайлбар авахыг хүссэн боловч хамгаалалтынхан нь сэтгүүлчдийг халгаасангүй.

"Протоколтой арга хэмжээ зохион байгуулагдаж байна. Та нар БНХАУ-ын газар нутаг дээр зогсож байна" гэж хамгаалагчид хэлээд, сэтгүүлч, зураглаач нарыг Ерөнхий сайдын орсон асраас холдуулжээ. Энэ хооронд Ерөнхий сайд асраас гарч, машиндаа суув.

Тэрээр хамгаалалт хэмээх “хана хэрэмнээсээ” гарч ирсэнгүй.