Шинэ соргог жимс, ногоогоор тэргүүлэгч Миний Дэлгүүр ХХК нь эрүүл, шим тэжээлтэй хүнсний хэрэглээг дэмжих зорилгоор “Жимсэн Ертөнц” нэртэй ээлжит өдөрлөгөө амжилттай зохион байгууллаа.

Тус өдөрлөгийн хүрээнд дэлхийн өнцөг булан бүрээс ирсэн жимс, ногооны ашиг тус, хэрэглээг бяцхан хэрэглэгчдэдээ таниулан хөгжөөнт уралдаан тэмцээн зохион байгуулж бүтээлч өдрийг өнгөрүүллээ.  

Мөн бүх салбар дэлгүүрээрээ содон сонирхолтой жимснүүдийн амталгаат худалдаа явуулан, жимсний багцын худалдааг хэрэглэгчдэдээ санал болгосон.

Миний Дэлгүүр ХХК нь 2008 оноос хойш жимс, ногооны импортыг дундын шат дамжлагагүйгээр 100% өөрсдөө хийж байгаа бөгөөд зах зээлд хамгийн хямд үнийг санал болгодог гэдгээрээ онцлогтой. 

Тус компани нь өөрсдийн хэрэглэгчдэдээ өдөр бүр эрүүл, шим тэжээлтэй хүнсийг хямд үнээр, хүртээмжтэй хүргэх зорилготой ажиллаж байна. Миний Дэлгүүрийн хэрэглэгчдийн хүсэн хүлээдэг дараагийн ээлжит өдөрлөг болох  Европ жимсний өдөрлөг нь 11-р сард зохион байгуулагдах юм.