Пүрэв гарагт Энэтхэгээс Лондон руу зорчих хуваарьтай байсан Air India компанийн онгоц хөөрөөд удалгүй осолдож нэг зорчигчоос бусад нь амиа алдсан.

Тус онгоцонд суух ёстой байсан нэгэн оюутан түгжрэлийн улмаас онгоцноосоо хоцорсноор тус ослоос амьд гарч чадсан тухайгаа ярьжээ.

Их Британид сурдаг тэрбээр амралтаараа Энэтхэгт ирээд буцахдаа AI717 нислэгийг захиалсан байсан аж.

Гэвч тэрбээр онгоц хөөрөхөөс 10 минутын өмнө Ахмедабадын нисэх онгоцны буудалд дөнгөж ирсэн тул Air India компанийн ажилтнууд түүнийг онгоцонд суулгаагүй байна.

Онгоц хөөрөөд минут хүрэлгүй оюутны дотуур байрны дээр унаж, зорчиж явсан 241 хүн амиа алдсан бөгөөд Их Британийн иргэн ганцаараа амьд гарсан юм.

Энэ талаар тус оюутан "Би жолоочдоо маш их уурласан. Арай эрт хөдөлсөн бол амжих байсан л гэж бодож байлаа. Би тэндхийн ажилтнуудаас гуйсан ч намайг оруулаагүй. 

Тэгээд маш гутрангуй нислэгийнхээ мөнгийг хэрхэн буцаалгах талаар бодож байтал утас дуугарч, онгоц осолдсон талаар мэдээлсэн" хэмээн ярьжээ. 

Эх сурвалж: The Guardian