-Өнгөрч буй долоо хоногт болсон онцлох үйл явдлуудыг тоймлон хүргэж байна-

ОЙН ӨДӨР ОДОН МЕДАЛЬ ГАРДУУЛАВ

Үндэсний эрх чөлөө, тусгаар тогтнолоо сэргээн мандуулсны 114 жилийн ойг тохиолдуулан Монгол Улсын Ерөнхийлөгч Ухнаагийн Хүрэлсүх зарлиг гаргаж төрийн дээд цол, одон, медаль гардууллаа.

Дэлхийн аварга, холимог тулаанч Б.Энх-Оргилд Гавьяат тамирчин цол, дуучин Ж.Мишээлийг Алтангадас одонгоор, Математикийн багш В.Адьяасүрэнг Ардын багшаар,спортын сэтгүүлч С.Шижирбатыг Хөдөлмөрийн гавьяаны улаан тугын одонгоор шагнав. https://gogo.mn/r/4m0l6m

Б.ОРХОНБАЯР ЕРӨНХИЙЛӨГЧИЙН ЦОМЫГ ХОЁР ДАХЬ УДААГАА ГАРДАВ

Үндэсний эрх чөлөө, тусгаар тогтнолоо сэргээн мандуулсны 114 жилийн ойд зориулсан, Ерөнхийлөгчийн цомын төлөөх чансаа өндөр 128 бөхийн барилдаанд Сэлэнгэ аймгийн Цагааннуур сумын харьяат, “Алдар” спорт хороо, “Атар трейд” ХХК, АПУ ХК, “Таванхан” дэвжээний бөх, улсын арслан Баярсайханы Орхонбаяр түрүүлж, Ерөнхийлөгчийн цомыг хоёр дахь удаагаа хүртлээ. https://gogo.mn/r/v160y

АХМАДЫН ТЭТГЭВЭР, ХӨГЖЛИЙН БЭРХШЭЭЛТЭЙ ИРГЭДИЙН ТЭТГЭМЖИЙГ БАГАХАН НЭМЭВ

Тэтгэврийн нэмэгдэлд 2026 онд 516 тэрбум төгрөг зарцуулна. Нийгмийн даатгалын сангаас олгох бүрэн тэтгэврийн болон цэргийн тэтгэврийн доод хэмжээ 769,000 төгрөг, нийгмийн даатгалын сангаас олгох хувь тэнцүүлэн тогтоосон тэтгэврийн доод хэмжээ 652,400 төгрөг болж байна. Мэдээний дэлгэрэнгүй энд дарж уншина уу. 

2026 ОНД УС, ЦАХИЛГААН, ДУЛААНЫ ТӨЛБӨР ХУРААМЖИЙГ НЭМЭХГҮЙ БАЙХААР ШИЙДВЭРЛЭВ

Оны сүүлийн өдөр Засгийн газар хуралдаж 2026 онд  ус, цахилгаан, дулаан зэрэг төрөөс үзүүлдэг бүх үйлчилгээний үнэ тариф, төлбөр хураамжийг нэмэхийг тариф тогтоодог сайд, бүх агентлагийн дарга, засаг дарга нарт хориглох шийдвэр гаргалаа. https://gogo.mn/r/j0eko8

Д.АМАРБАЯСГАЛАНГИЙН НЭЭСЭН НАМРЫН ЧУУЛГАНЫГ Н.УЧРАЛ ХААВ     

УИХ-ын намрын чуулган 12 сарын 31-нд өндөрлөж, УИХ-ын дарга Н.Учрал хаалтын үг хэлэв.Чуулганы отгон хуралдаанд 67 гишүүн оролцов. Намрын чуулганыг нээж УИХ-ын дарга Д.Амарбаясгалан үг хэлж байсан бол чуулганыг шинэ дарга Н.Учрал хаалаа.  

БИЗНЕС ЭРХЛЭГЧ, БАЯЛАГ БҮТЭЭГЧИД, НИЙТ АРД ТҮМЭНДЭЭ  ЕРӨНХИЙЛӨГЧ ТАЛАРХАВ

Он солигдох агшинд улсын Ерөнхийлөгч ард түмэндээ зориулж мэндчилгээ дэвшүүлдэг уламжлалтай. Ерөнхийлөгч У.Хүрэлсүхийн 2025-2026 онд баялаг бүтээгчдэдээ онцолж, иргэддээ талархсан  шинэ жилийн мэндчилгээ дэвшүүлэв. 

Мэндчилгээг энд дарж уншина уу.