• Тус компаниас АНУ-д энэ намар ковидын вакцины хэрэгцээ нэмэгдэнэ гэж тооцоолжээ
• Вакцинуудаа 2020 онд борлуулж байсан дүнгээс гурав дахин ихээр борлуулах аж
• Ковидын тохиолдол буурснаар "Модерна", "Файзер" компаниудын орлого буурсан гэв

"Модерна" компанийн энэ онд зөвхөн хувийн сектороос олсон ковидын вакцины ашиг дөрвөн тэрбум ам.доллар болжээ. Мөн ирэх жил томуугийн вакцин үйлдвэрлэж, орлогоо нэмэгдүүлэхээр төлөвлөж байгаа аж.

Ковидын вакцин үйлдвэрлэлт багассанаар "Модерна" болон "Файзер" компаниуд энэ оны хоёрдугаар хагаст алдагдалтай ажилласан юм.

Одоогоор тус компаниуд ХВВ.1.5 Омикрон хувилбарт тохирох шинэчлэгдсэн вакцин үйлдвэрлэж, өндөр үнээр борлуулж ашгаа нэмэгдүүлэх зорилготой байгаа аж.

"Модерна" АНУ-д ковидын вакцины тун намрын улиралд 50-100 орчим сая шаардлагатай гэж төлөвлөжээ. Үүнийг ханиад томуу намар илүү нэмэгддэгийг тооцоолж гаргасан гэв.

Тус компани АНУ-д ковидын вакцины нэг тунг 150 ам.доллароор борлуулна хэмээн Ройтерс агентлагт мэдээлж байжээ. 2020 онд вакцин үйлдвэрлэхдээ нэг тунг 25-37 ам.доллароор нийлүүлж байсан юм.

Эх сурвалж: Ройтерс