Архангай, Төв, Хэнтий, Завхан аймгийн 100 жилийн ойн баяр наадам долоодугаар сарын 27, 28-ны энэ өдрүүдэд болж байна. 

Архангай аймаг тэгш ойгоо угтан аймаг руугаа чиглэсэн аялал жуулчлалыг хөгжүүлэх зорилгоор  10 га газарт 20 мянган хүний багтаамжтай “Аро Комплекс” цогцолбор байгуулжээ. Цогцолборыг тойруулан 12 цэгт 56 ширхэг байгальд ээлтэй ариун цэврийн байгууламж тохижуулж, 2000 гаруй автомашины зогсоол төлөвлөсөн байна. 



Архангай аймгийн 100 жилийн ойн арга хэмжээ долоодугаар сарын 1-нээс эхлэн нэг сарын хугацаанд үргэлжлэх ба "Аяллаа Архангайгаас" нэртэй соёл, урлагийн хөтөлбөр гаргасан байна. 

Сарын турш өдөр бүр Архангайг зорин ирсэн жуулчдад зориулсан урлаг, спортын хөтөлбөр гаргажээ. Үүнд:

• Явуулын цирк болон Архангайн бизнес эрхлэгчтэй хамтран 31 төрлийн хоолны асруудыг байрлуулна.
• Кино театруудад цацагдаж буй шилдэг кинонуудыг толилуулна
• Арт үзэсгэлэн, 20 гаруй хүүхдийн тоглоомтой 
• “Аялгуу аялахуй” нийтийн дууны супер оддын тоглолт
• Шилдэг залуу рок поп хамтлагууд оролцсон амьд хөгжмийн тоглолт болно.