“Балансэд кредит” ББСБ нь банк, санхүүгийн чиглэлээр их, дээд сургуульд суралцан төгсөж буй оюутан залуусын мэргэжлийн өсөлтийг дэмжих, тэднийг ажлын байраа зөв сонгоход нь чиглүүлэх зорилгоор “Career Journey” буюу мэргэжлийн онол-практик хосолсон, ерөнхий болон мэргэжлийн ур чадвар хөгжүүлэх багц сургалт бүхий 184 академик цагийн хөтөлбөрийг жилдээ нэг удаа хэрэгжүүлж байна.

Энэхүү хөтөлбөр нь анхны ажлын гараагаа эхлүүлж буй оюутнуудад мэргэжлийн орчинд бодитоор ажиллах, ажил мэргэжлийн дадлага туршлага хуримтлуулах, ирээдүйн карьераа зөв төлөвлөж, эхлүүлэхэд бат бэх суурийг бий болгодгоороо онцлогтой юм.

Сонгон шалгаруулалтаар “Career journey” хөтөлбөрт тэнцэж, дадлагажиж буй оюутныг байгууллагын өдөр тутмын үйл ажиллагаанд хамруулан, салбарын мэргэжилтнүүд, менторын чиглүүлэг, удирдлага дор ажлын байранд шаардлагатай ур чадвараа нэмэгдүүлэн суралцан хөгжих боломжоор хангадаг.  Түүнчлэн хөтөлбөрийн явцад бусдыгаа манлайлж, идэвх санаачилгатай байсан, шинийг эрэлхийлэгч, зөв хандлагатай 1 оюутныг шалгаруулан Балансэд кредит ББСБ-д шууд, үндсэн ажилтнаар ажиллах боломжийг олгож, ажлын байрны санал тавьдаг нь энэхүү хөтөлбөрийн хамгийн том давуу тал юм. Энэ нь хөтөлбөрийн оролцогчдод өөрийгөө сорих, ажлын байраар хангагдах тодорхой гарц болдог.

Балансэд кредит ББСБ нь “Өнөөдрийн ажлын гараа карьер хөгжлийн зөв эхлэл байх ёстой” гэж үздэг тул ирээдүйн санхүүгийн салбарын манлайлагчдыг эртнээс бэлтгэх, хөгжүүлэх, дэмжих зорилгоор энэхүү хөтөлбөрийг жил бүр уламжлал болгон чанартай зохион байгуулж, цаашид жишиг хөтөлбөр болгох зорилт тавин ажиллаж байна.  

Балансэд кредит ББСБ нь сүүлийн үеийн технологийн шийдэлд суурилсан “Balance App” нэртэй дижитал зээлийн үйлчилгээг нэвтрүүлсэн бөгөөд “ТЭНЦВЭРТЭЙ дижитал шийдэл” уриа дор харилцагчдад хурдан, хялбар, ил тод санхүүгийн үйлчилгээ үзүүлж байна. Энэхүү аппликейшн нь хэрэглэгчдэд богино хугацаанд санхүүгийн асуудлаа шийдвэрлэхэд тус дэм болж зээл авах, эргэн төлөлт хийх, өөрийн зээлийн мэдээллийг хянах зэрэг дижитал хэлбэрээр хийх бүх үйлдлийг бүрэн гүйцэтгэх боломжийг олгодог. Ирээдүйн дижитал санхүүгийн чиг хандлагыг тодорхойлж буй энэхүү шийдлийг хэрэгжүүлэгч Балансэд кредит ББСБ-ийн “Career journey” дадлагын хөтөлбөрт хамрагдах нь карьерын гараагаа эхлүүлж буй оюутан залууст академик мэдлэгээ ажлын байран дээр турших,  өөрийнхөө мэргэжил сонголт болоод ажлын байранд бэлтгэгдсэн байдлыг бодитоор үнэлэн дүгнэх, цаашлаад мэргэжлийн хамт олны нэг болж, тасралтгүй суралцан хөгжих боломжийг олгож буйгаараа бусад дадлагын хөтөлбөрүүдээс давуу талтай байгааг энэ жилийн хөтөлбөрт оролцогч оюутан залуус онцолж байна.