Бидний амьдралын хэв маяг технологитой салшгүй холбоотой болж, хиймэл оюун ухаан өдөр тутмын амьдралд нэвтэрч бидний ажил, амьдралыг хөнгөвчилж буй эрин үед  төрсөн бид азтай хүмүүс юм. Гэвч сайн зүйлийг саар нь дагаж явдаг нь хорвоогийн нэгэн хууль гэлтэй. Энэ бүх технологийн хөгжилтэй зэрэгцэн онлайн орчны дээрэлхэл, дэлгэцийн хэт хамаарал, цахим залилан гэх зэрэг зүйлүүд ихээр сонсогдох болжээ.

Тэгвэл Мобиком Корпорацийн хэрэгжүүлж буй "Smart Usage – Ухаалаг Хэрэглээ" төсөл нь цахим орчны зөв, зохистой хэрэглээг сурталчлах зорилготой бөгөөд 3 дахь жилдээ үргэлжлэн хэрэгжиж байна. Энэхүү төсөл нь "Smart Education" төслийн дэд төсөл бөгөөд бүх насны хэрэглэгчдэд цахим орчныг аюулгүй ашиглах, хувийн мэдээллээ хамгаалах, онлайн дээрэлхлээс сэргийлэх мэдлэг олгох зорилготой бөгөөд Улаанбаатар хот болон 21 аймгийн нийт 16,500 гаруй дунд, ахлах ангийн сурагчид төсөлд хамрагдаж  энэ талаар мэдлэг эзэмшихэд  тусалсан юм.

Төслийн хүрээнд Мобиком группийн ажилтнууд сайн дурын баг болж, 300 гаруй удаагийн интерактив сургалтыг амжилттай зохион байгуулсан байна. Уг төсөл нь Мобикомын ажилчдын өөрсдийн санаачилгаар эхэлсэн бөгөөд тэд үндсэн ажлынхаа хажуугаар энэ сургалтуудыг заадаг байна.

Smart usage төслийн онцлог:

• Мобикомын ажилчид сайн дураараа ирээдүйн дижитал ертөнцөд амьдрах хүүхдүүдийг бэлтгэх зорилгоор сурагч багачуудад цахим орчны зөв, зохистой хэрэглээний талаарх мэдлэг олгох сургалтыг орно.
• Эцэг эхчүүд маань өөрсдөө энэ талаар хүүхдүүддээ зааж сургахыг хүсдэг хэдий ч мэдлэг, мэдээлэл сул байдаг бол бидэнд хандаж хамтран ажиллахад үүд хаалга хэзээд нээлттэй
• Бид төслийн үйл ажиллагаагаа шуурхай, хялбар байлгах үүднээс сурагчдад зориулсан танхимын сургалт, бүх насныхан зориулсан салбарын сургалтын хүсэлтийг https://smartusage.mobicom.mn/ вэбсайтаар хүлээн авдаг боллоо. Та хүссэн үедээ сургалтын хүсэлтээ илгээгээрэй.

Цахим орчны зөв зохистой, ухаалаг хэрэглээг хамтдаа төлөвшүүлцгээе.