Улаанбаатар хотод хиймэл оюунд суурилсан эрт илрүүлгийн үйлчилгээ үзүүлэгч NURA төв Зайсан салбарынхаа хүчин чадал, үйлчилгээний хүрээг тэлж, орчин үеийн оношилгооны цогц үйлчилгээг нэг дор үзүүлэх боломжийг бүрдүүллээ.

Тус салбар нь Япон улсын FUJIFILM корпорацын сүүлийн үеийн дэвшилтэт технологид тулгуурлан, салбартаа тэргүүлэх эмч, мэргэжилтнүүдийн багийн оролцоотойгоор өндөр нарийвчлалтай, иж бүрэн оношилгооны үйлчилгээг үзүүлж байна.

Үйлчилгээний нэр төрлийг нэмэгдүүлсний хүрээнд ходоодны дурангийн оношилгоог нэвтрүүлж, байгууллага болон хувь хүнд зориулсан эрүүл мэндийн хэрэгцээнд нийцсэн олон төрлийн уян хатан багц шийдлүүдийг санал болгож эхэллээ. Ингэснээр иргэд өөрийн хэрэгцээ, нөхцөлд тохирсон шинжилгээ, оношилгоог сонгон авах боломж илүү өргөжиж байна.

Шинэчлэгдсэн салбар нь хамгийн сүүлийн үеийн тоног төхөөрөмжөөр бүрэн тоноглогдсон бөгөөд олон хүнд зэрэг үйлчлэх хүчин чадалтай. Жилдээ 40,000 хүртэлх хүнийг эрт илрүүлгийн шинжилгээнд хамруулах боломжтойгоороо онцлог юм.

NURA төвийг 2023 онд байгуулснаас хойш нийт 44,000 гаруй иргэнийг эрт илрүүлэгт хамруулаад байна.

Нура төв нь “AI илрүүлж, эмч баталгаажуулна” зарчмыг баримтлан, эрт илрүүлгийн соёлыг олон нийтэд түгээх, өвчнийг эрт үед нь илрүүлэх замаар иргэдийн эрүүл мэндийг хамгаалахад чиглэн ажиллаж байна.

Зайсан салбарын энэхүү өргөтгөл нь эрүүл мэндийн тусламж үйлчилгээний хүртээмжийг нэмэгдүүлэхийн зэрэгцээ орчин үеийн оношилгооны стандартыг ахиулсан чухал алхам болж байна.

Эрүүл мэндээ урьдчилан хамгаалах нь таны хамгийн зөв хөрөнгө оруулалт юм.

AI илрүүлж, эмч баталгаажуулна.