Засгийн газрын ээлжит хуралдаан 08:00 цагт эхэлж, 10:00 цагт дуусан, үргэлжлүүлэн Ерөнхий сайд танхимын сайд нартайгаа хуралдаж байна гэж Засгийн газрын Хэвлэл мэдээлэл, олон нийттэй харилцах газраас мэдээллээ. 

Засгийн газрын ээлжит өнөөдрийн /2025.05.21/ хуралдаанаар,

•     Нийтийн албан тушаалтны хууль бус хөрөнгийг иргэний журмаар нэхэмжлэх, нөхөн төлүүлэх тухай хуулийн төсөл
•     Засгийн газрын 2024-2028 оны үйл ажиллагааны хөтөлбөрт туссан мега төслүүдийн явцын талаар
•     Ноолуур бэлтгэлийн явцын талаар
•     “Даян дэлхийн ногоон хөгжлийн институтийн эрх зүйн байдал болон эрх ямба, дархан эрхийн тухай, Монгол Улсын Засгийн газар болон Даян дэлхийн ногоон хөгжлийн институт хоорондын хэлэлцээр”-ийн төсөл
•     “Тусгай зориулалтаар 2025 онд агнах, барих агнуурын амьтны тоо хэмжээг тогтоох тухай” Засгийн газрын тогтоолын төсөл гэх зэрэг 34 асуудал хэлэлцэхээр төлөвлөсөн.

Одоогоор хурал тарсан бөгөөд хуралдаанаас гаргасан шийдвэрүүдийг сайд нар танилцуулахгүй, албан мэдээлэл гаргахаар болжээ.

Нийтийн албан тушаалтны хууль бус хөрөнгийг иргэний журмаар нэхэмжлэх, нөхөн төлүүлэх тухай хуулийн төслийг хэлэлцсэн асуудлаар  Хууль зүй, дотоод хэргийн сайд О.Алтангэрэл мэдээлэл хийхээр болсон байна.