Монгол Улсын эдийн засгийн тогтвортой өсөлт, бүтээн байгуулалтад бодитой хувь нэмэр оруулсаар ирсэн “Макс Групп” нь “ТОП-100 аж ахуйн нэгж”-ийн жагсаалтад 15 дугаар байр эзэллээ. 

Мөн “Хан Алтай Ресурс” ХХК нь 30-р байр, Монгол Улсын Ууган хүнсний үйлдвэр болох “Сүү” ХК нь 56-р байрт эрэмбэлэгдсэн нь нэгдмэл бодлого, хамтын хүчин чармайлт, тууштай хөдөлмөрийн үр дүнг тод илтгэж байна. 

“ТОП-100 аж ахуйн нэгж”-ийн жагсаалтыг “Монгол Улсын Засгийн газар” болон “Монголын Үндэсний Худалдаа Аж Үйлдвэрийн Танхим” жил бүр хамтран гаргадаг. Уг жагсаалтыг жилийн орлого, улсын төсөвт төлсөн татвар, нийгмийн даатгалын шимтгэл, ашигт ажиллагаа, хөрөнгийн хэмжээ, ажлын байрны тоо зэрэг үндсэн шалгуур үзүүлэлтүүдэд үндэслэн үнэлдэг уламжлалтай. 

“Макс Групп” нь дэд бүтэц, барилга угсралт, автозамын бүтээн байгуулалт, худалдаа үйлчилгээ, аялал жуулчлал, хүнсний үйлдвэрлэл зэрэг үндэсний тэргүүлэх салбаруудад үйл ажиллагаа явуулж, 6000 гаруй ажилтантайгаар технологи, инновацын шинэчлэлийг амжилттай нэвтрүүлэн, экспортын чиг баримжаатай мега төслүүдийг хэрэгжүүлж, импорт орлох бүтээгдэхүүн хөгжүүлэх, олон улсын стандартад нийцүүлэх чиглэлээр тогтвортой ажиллаж байна. 

Цаашид ч бид бизнесийн бүхий л салбартаа шинэчлэл, бүтээн байгуулалтыг тууштай үргэлжлүүлж, шинэ ажлын байрыг тогтмол нэмэгдүүлэх, баруун бүсийн эдийн засгийн өсөлтийг дэмжих бодлогоо хэрэгжүүлэн “Илүү сайхан Монгол”-ыг бүтээх эрхэм зорилгынхоо хүрээнд хариуцлагатай, манлайлагч үндэсний бүтээн байгуулагч групп гэдгээ бататган харуулсаар байх болно. 

Энэхүү амжилт бол “Макс Групп”-ийн нийт хамт олны итгэл, зүтгэл, нэгдмэл хөдөлмөрийн бодит үр дүн юм.  

Манай хөгжлийн замналд хамтран оролцож, бидэнд итгэл хүлээлгэж ирсэн ажилтан, хэрэглэгч, харилцагч, түншүүд та бүхэндээ чин сэтгэлийн гүн талархал илэрхийлье.