Тулгар төрийн 2234 жил, Их Монгол Улсын 819 жил, Үндэсний эрх чөлөө, тусгаар тогтнолоо сэргээн мандуулсны 114, Ардын хувьсгалын 104 жилийн ой, Үндэсний их баяр наадмыг тохиолдуулан Монгол Улсын Ерөнхийлөгч У.Хүрэлсүх төрийн дээд цол, одон, медаль гардуулж байна. 

Ноён Солиот, Ээждээ л үнсүүлэх сэн зэрэг олон тайз, дэлгэцийн дүрээр үзэгч олонд танигдсан МУСТА, жүжигчин Дашнямын Бямбацогт Монгол Улсын Гавьяат жүжигчин цол хүртлээ.

Тэрээр 1976 онд Завхан аймгийн Тосонцэнгэл суманд мэндэлсэн.

Ноён Солиот, Ээждээ л үнсүүлэх сэн, Ээжийн дайсан, Шарталт, Сөрж болдоггүй тавилан, Өртөө, Шүүдэр дундуур, Миний хүүтэй гэрлээч, Сумын атаман, Тал нутгийн зомби, Сахиулсан тэнгэр, Бүү март, Улаан эрэг, Нарны өнгө гэх мэт жар гаруй жүжиг, тавиад кинонд дүр бүтээсэн юм.

Мөн уран бүтээлээс гадна гимнастикийн спортын гуравдугаар зэрэгтэй тамирчин, волейболын спортын дэд мастер. Багадаа үлээвэр хөгжмөөр хичээллэж “Алтан бүрээ” хамтлагтай байв.