Засгийн газрын хэрэгжүүлэгч агентлаг Хөдөлмөр халамжийн үйлчилгээний ерөнхий газрын удирдлагын шийдвэрээр зөрчил гаргасан албан хаагчдыг үүрэгт ажлаас нь өнөөдөр /2026.03.19/ чөлөөлжээ. 

2026 оны 3-р сарын 18-ны орой албан ажлын өрөөндөө архидан согтуурч, Төрийн албан хаагчийн ёс зүйн тухай хуулийн 7.1.4 дэх заалт, ХХҮЕГ-ын "Хөдөлмөрийн дотоод журам"-ын 12.3.13. дахь заалтыг тус тус ноцтойгоор зөрчсөн албан хаагчдад хариуцлага хүлээлгэж, үүрэгт ажлаас нь чөлөөллөө хэмээн тус газраас мэдээлэв.