Нэр бүхий иргэд Ерөнхий сайд асан Л.Оюун-Эрдэнийн бэрийн тансаглал авлигаар санхүүжиж байсан байж болзошгүй тул АТГ-т шалгуулах хүсэлтийг тавдугаар сарын 13-нд гаргасан билээ.

Ерөнхий сайд асан Л.Оюун-Эрдэнэ болон түүний хүү О.Тэмүүлэн Авлигатай тэмцэх газарт мэдүүлэг өгсөн.

Авлигатай тэмцэх газар уг гомдлын дагуу шалгалтын ажиллагааг үргэлжлүүлж байгаа ба сүүлд холбогдогч нараас авсан санхүүгийн баримтууд болон бусад байгууллагуудаас авсан санхүүгийн баримтуудыг шинжлэх ажиллагаа явагдаж байгаа гэв. Мөн гомдлын дагуу шалгах ажиллагааны хугацааг сунгажээ. 

Ташрамд мэдээлэхэд, Авлигатай тэмцэх газрын Мөрдөн шалгах хэлтэс 2025 оны 6 дугаар сарын 9-15-ны өдрүүдэд гэмт хэргийн шинжтэй 112 гомдол, мэдээллийг шалгажээ.