ОХУ-ын ерөнхийлөгч Владимир Путин пүрэв гарагт хийсэн мэдэгдэлдээ Израил болон АНУ-ын тал Ираны дээд удирдагч Аятолла Али Хаменейг хөнөөх тухай яриаг хэлэлцэхээс татгалзаж, энэ талаар яримааргүй байна гэжээ.

АНУ-ын ерөнхийлөгч Дональд Трамп мягмар гарагт “Ираны дээд удирдагч хаана байгааг бид мэднэ. Гэхдээ одоохондоо хөнөөхгүй” хэмээн мэдэгдсэн юм.

Энэ мэдэгдэлтэй холбоотойгоор сэтгүүлчид Путиний байр суурийг асуухад тэрбээр “Энэ талаар ярихыг хүсэхгүй байна” хэмээгээд Ираны эрх, Израилын аюулгүй байдлыг хангах замаар мөргөлдөөнийг шийдвэрлэх гарц хайх ёстойг хэлжээ.

ОХУ Иранд зэвсэг нийлүүлэх эсэх талаар тодруулахад Путин “Энэ оны нэгдүгээр сард байгуулсан стратегийн түншлэлийн гэрээнд цэргийн хамтын ажиллагаа тусгагдаагүй ба Иран албан ёсоор ямар ч тусламж хүсээгүй” гэсэн байна.

Мөн Путин Ираны Бушехрийн цөмийн цахилгаан станц дээрх хоёр шинэ реакторын бүтээн байгуулалтад оролцож буй Оросын мэргэжилтнүүд агаарын цохилтод өртөхгүй гэсэн баталгааг Ираны талаас өгсөн гэж мэдэгдэв.

Оросын Гадаад хэргийн дэд сайд АНУ-д Ираныг бөмбөгдөхгүй байхыг уриалсан ба Израилын цохилтууд цөмийн сүйрэлд хүргэж болзошгүйг анхааруулжээ. 

Эх сурвалж: Reuters