Говь-Алтай аймгийн Цээл сумын Дэрстэй багт энэ сарын 29-ний өдөр тарваганы мах идсэн иргэн нас барсан хэргийг мэргэжлийн байгууллагууд хамтран шалгаж байна.

Иргэний ар гэрийнхний зүгээс түүнийг тарвага агнаж идсэн, үүнээс хойш хоёр хоног халуурч байгаад нас барсан гэж учир, шалтгааныг тайлбарлажээ. Иймд иргэд, Та бүхэн:

• Тарваган тахлын голомт бүхий газарт зорчихгүй байх,
• Ан амьтны  түүхий эд, махыг хүнсэнд хэрэглэхгүй байх,
• Тарваган тахал өвчнөөс урьдчилан сэргийлэх,
• Тарваганы тоо толгой, тархац нутгийн хэмжээг нэмэгдүүлэх зорилгоор Байгаль орчин, аялал жуулчлалын сайдын 2021 оны А/193 дугаар тушаалаар ахуйн болон үйлдвэрлэлийн зориулалтаар тарвага агнахыг гурван жилийн хугацаанд буюу "2021-2024" хориглосон тул өөрийн болон гэр бүл, бусдын амь нас, эрүүл мэндийг сахин хамгаалж, мэргэжлийн байгууллагуудын зөвлөмжийг дагахыг сэрэмжлүүлж байна.

Эх сурвалж: ЦЕГ