Цахим сайтын мэдээ, зарим иргэний цахим хаягтаа бичсэн пост, нийтлэлийн сэтгэгдэл хэсэгт “Хүүтэй мөнгө зээлнэ, хөдөө орон нутаг хамаарахгүй” гэх утгатай комментууд бичсэн байх нь элбэг. Энэ нь залилан байж болно. Үүний цаана юу болдог, ямар учиртайг жишээ татан тайлбарлая. (бодит хэрэг)

"31 САЯ ТӨГРӨГӨӨ ШИЛЖҮҮЛЧХЭЭД БАЙХАД ЯАГААД ДАХИАД МӨНГӨ НЭХНЭ ВЭ"

Тухайн фэйсбүүк хаягийг цагдаагийн байгууллагаас шалгахад энэ хаяг нь хуурамч байж. Ингээд иргэний мөнгөө шилжүүлсэн дансыг шалгавал өмнө нь мөн “зээл олгоно” гэсэн зарын дагуу нэгэн фэйсбүүк хаягийн эзэмшигчтэй харилцаж залилсан. Улмаар банканд валютын данс нээж мөнгөө Бенин, Итали зэрэг улсад байрлах нэгэн хаяг руу шуудангаар илгээсэн нь тогтоогдсон байна.

Өөрөөр хэлбэл эдгээр залилагчид хохирогчдын шилжүүлсэн мөнгийг олон хүний нэр дээрх гадаад, дотоодын хэд хэдэн банкаар дамжуулан, эцэст нь аль нэг улсын хаа нэгтээ байрлах АТМ-ээс бэлэн мөнгө болгож аваад алга болдог байна.

ИРГЭД 7 САРЫН ХУГАЦААНД ТЭРБУМ ГАРУЙ ТӨГРӨГӨӨ ЗАЛИЛУУЛЖЭЭ

Энэ мэтчилэн залилуулсан тохиолдол хэдэн арав, хэдэн зуугаар тогтохгүй аж. Цагдаагийн байгууллагаас өгсөн мэдээллээр 2024 он гарсаар эхний 7 сарын байдлаар цахим орчинд “Зээл олгоно, төлнө, санхүүгийн тусламж үзүүлнэ” зэрэг зар байршуулсан 200 орчим иргэнд, нийт 1 тэрбум гаруй төгрөгөө залилуулсан байна.

Залилагчдын үйлдлийн дараалал:

• 1-рт - Таны хүссэн хэмжээний зээл олгохоор зөвшөөрөгдлөө
• 2-рт - Та зээлийн шимтгэл 10%-ийг төлөх хэрэгтэй
• 3-рт - Та одоо бүртгэлийн хураамж төлөх ёстой, тэгээд таны мөнгө шилжинэ
• 4-рт - Та одоо даатгалын мөнгө шилжүүлэх ёстой, тэгэхгүй бол банк зээл олгох боломжгүй гэж байна
• 5-рт - Та одоо зээлийн барьцаа төлбөр буюу эргэн төлөлтийн 3 сарын төлбөрийг төлөх ёстой, энэ мөнгө нь танд буцааж олгогдоно
• 6-рт .............
• 7-рт .................
• 8-рт .................гэх мэтчилэн хүссэн зээлийг нь юу, юугүй шилжүүлэх гэж байгаа мэт итгүүлж, урьдчилж мөнгө авч, залилдаг.

Дээрх гэмт хэргийг ихэвчлэн фэйсбүүк, телеграм, What’s up зэрэг платформд “Хүү, шимтгэл бага зээл хурдан, шуурхай олгоно,  санхүүгийн тусламж үзүүлнэ” гэсэн зарыг түгээж үйлддэг байна.  

Залилагчид иргэдийн мөнгийг авч, итгэлээр нь тоглоод л алга болно. Ер нь ямар ч баталгаа, барьцаа, хүүгүй, эргэн төлөлтгүй зэрэг зээл, тусламжийг хэн ч танд олгохгүй гэдгийг хатуу санаж явах хэрэгтэй. Үнэгүй зүйл зөвхөн хавханд л байдгийг санаарай.