Португал улсын тамирчин Криштиану Роналду өөрийн Ютүб сувгийг нээсэн нь ердөө 90 минутын дотор нэг сая гаруй дагагч /subscriber/-тай болж рекорд тогтоолоо.

Өдгөө 39 настай тэрбээр "Ballon d'Or"-ын таван удаагийн шагналт хөлбөмбөгчин бөгөөд Саудын Арабын Аль Насср клубт тоглож буй.

Тэрбээр лхагва гарагт өөрийн цахим хуудсанд "Хүлээлт дууслаа. Эцэст нь өөрийн Ютүб сувгийг нээлээ. Siuuubscribe дарж надтай нэгдээрэй" хэмээн нийтэлжээ. 

Түүнийг анхны бичлэгээ нийтэлснээс хэдхэн цагийн дараа түүний дагагчдын тоо 1.69 саяд хүрсэн байна. Одоогоор түүний сувгийн дагагчдын тоо 12.9 саяд хүрчээ.

Роналду X платформ дээр 112.5 сая, Facebook дээр 170 сая, Instagram дээр 636 сая дагагчтай юм. 

Эх сурвалж: Aljazeera