МАН-ын УЗ өнгөрсөн баасан гарагт (2025.06.06) хуралдсан. Хурлаар МАН-ын бага хурлын товыг тогтсоны дагуу дараагийн Ерөнхий сайдад нэр дэвшигчдийн талаар хэлэлцжээ. 

УЗ-өөс Ерөнхийлөгчийн тамгын газрын дарга, УИХ-ын дарга асан Г.Занданшатарыг Монгол Улсын 33 дахь Ерөнхий сайд, МАН-ын даргад нэр дэвшүүлэхийг дэмжжээ. Гэхдээ эцсийн шийдвэрийг МАН-ын Бага хурлын гишүүдийн олонх гаргана.

Танхимаас хэн нэгнийг нэр дэвшүүлэх эрх бага хурлын гишүүдэд бий ч түүнийг Ерөнхий сайд болох магадлал 90 хувь гэж тус намын гишүүд үзэж байна.
   
Учир нь бизнес бүлэглэлд барьцаалагдаагүй, давхар дээлгүй, хулгай авилгад нэр холбогдож байгаагүй, сурсан эрдэм, уншсан ном, хийсэн бүтээлтэй. Мөн санаачилсан хууль, төрийн хулгайн СОНСГОЛ гээд  улс төрд, төрд, түмэнд хийсэн бүтээсэн ихтэй хүн. Л.Оюун-Эрдэнийн зөв үйл хэргийг үргэлжлүүлж, алдааг нь засаад явах бүрэн боломжтой хувилбар гэж УЗ үзжээ.

УИХ-ЫН ДАРГА АСАН Г.ЗАНДАНШАТАРЫН НАМТАР 

Боловсрол

• 1987 онд 10 жилийн 77-р дунд сургууль
• 1992 онд ОХУ-ын Эрхүү хотын Улсын Ардын Аж Ахуйн дээд сургуулийг Санхүү эдийн засагч
• 2012 онд ОХУ-ын Байгалийн Эдийн засаг, эрх зүйн улсын их сургууль

Ажилласан байдал

• 1992-1995 онд Зах зээлийн коллеж (ХҮДС) Маркетинг бизнес судалгааны төвд судлаач, Санхүү-Эдийн засгийн тэнхимд багш
• 1995-1998 онд Хөдөө Аж Ахуйн банк Эдийн засагч, Валютын хэлтсийн ажилтан, бүтцийн өөрлөлтийн менежер, Валютын хэлтсийн захирал,
• 1998-2000 онд Монгол Банк Сургалтын төвийн менежер, Хөдөө Аж Ахуйн банкинд Монгол банкны бүрэн эрхт төлөөлөгч, Эрх хүлээн авагчийн багийн гишүүн
• 2000-2003 онд ХААН Банк Дэд захирал
• 2003-2004 онд Монгол Улсын Хүнс Хөдөө аж ахуйн дэд сайд
• 2004-2008 онд Монгол Улсын Их Хурлын гишүүн
• 2008-2012 онд Монгол Улсын Их Хурлын гишүүн
• 2009-2012 онд Гадаад харилцааны сайд
• 2012-2013 онд Монгол Ардын Намын Ерөнхий нарийн бичгийн дарга
• 2013-2015 онд АНУ-ын Стэнфордын их сургуулийн Хөгжил, Ардчилал Хуулийн засаглалын хүрээлэнд судлаач
• 2016 оноос Монгол Улсын Их Хурлын гишүүн
• 2017 оноос Монгол Улсын Засгийн газрын гишүүн, Монгол Улсын сайд, Засгийн газрын Хэрэг эрхлэх газрын дарга
• 2020-2024 он хүртэл УИХ-ын дарга
• 2024 оноос ЕТГ-ын дарга 

Шагнал

• 2004 онд "Санхүү банкны тэргүүний ажилтан”
• 2006 онд "Эдийн засаг санхүүгийн тэргүүний ажилтан”
• 2009 онд "Алтангадас” одон
• 2011 онд "Онц бөгөөд бүрэн эрхт элчин сайд”

Гадаад хэл: Англи, Орос

УИХ-ЫН ДАРГА АСАН Г.ЗАНДАНШАТАРЫН ХӨРӨНГӨ, ОРЛОГО 

Тэрээр 1.1 тэрбум төгрөгийн орон сууц, барилгатай. Нийтийн орон сууц, зуслангийн байшин, үйлчилгээний зориулалтын нэг байгууламжтай.

Эдгээр нь нийт 1 тэрбум 175 сая төгрөгийн үнэлгээтэй гэж 2023 онд мэдүүлжээ. Энэ дүн 2020 оноос хойш өөрчлөгдөөгүй. Тэрээр жилд 84 сая төгрөгийн орлоготой бол гэр бүл нь 254 сая төгрөгийн орлоготой. Ниссан Мурано авто машинаа 80  сая төгрөгөөр худалдан авчээ. 

15 сая төгрөгийн таван адуу, 130 сая төгрөгийн үнэт эдлэл, урлаг, түүхийн үнэт зүйл эзэмшдэг. 2022 оноос хойш түүний хадгаламж хоёр дахин өсөж, 112 саяас 286 сая төгрөгт хүрчээ.