УИХ-ын гишүүн С.Цэнгүүн "Эрчим хүчний салбарын реформыг маш хурдтай хийх ёстой. Ердөө үнэ нэмээд реформ хийсэн гэсэн үг биш. Маш том ажлууд хийгдэх шаардлагатай. Эрчим хүчний сайдаар ажиллах хүн нь уг асуудлыг маш хурдтай, зоригтойгоор хийх нэгэн байгаасай гэж хүсэж байна. 

Эрчим хүчний салбар дахь бидний нэг гол асуудал бол Засгийн газар нь яг хаанаа шийдвэр гаргаад байгаа нь ойлгомжгүй байсан. Би өмнө нь энэ талаар танхимд ч хэлж байсан. "Ерөнхий сайд аа, Эрчим хүний яам, Эрчим хүчний зохицуулах хороо, Эрчим хүчний Үндэсний хороонд юм уу, аль нэг газраа бодлогоо гаргаад, зангидаад явахгүй бол шийдвэр гаргалт байхгүй учраас эс үйлдэгдээд байна" гэж хэлж байсан. Уг салбарт том реформ хийх гэж байгаа бол тийм хэмжээний хөрөнгө оруулалтыг хийх учиртай. Одоогоор Зам тээврийн салбарт 3 их наяд төгрөг байгаа бол Эрчим хүчний салбарт 200 гаруй тэрбум төгрөгийн төсөвтэй байна. Ийм байж болохгүй. Саяхан том осол гарлаа. Цаашид гарахгүй гэх эрсдэлтэй нөхцөл үүссэн. Тэнд ажиллаж байгаа хүмүүсийн амь нас, цаашлаад нийслэлчүүд төдийгүй, улсын ард иргэдийг эрчим хүчээр хангагдах асуудал хүртэл хүндэрнэ. Тиймээс үүнд Ерөнхий сайд маш сайн анхаарч ажиллах хэрэгтэй. Богино хугацаа байгааг анхаараасай" гэлээ.