Шүүхийн шийдвэр: 

Сүхбаатар дүүргийн Эрүүгийн хэргийн анхан шатны шүүх шүүгдэгч Н.Өнөрцэцэгт холбогдох хэргийн гэм буруугийн шүүх хуралдааныг 2024 оны долоодугаар сарын 01-ний өдрийн 09.00 цагт товлон зарласан. 

Гэвч “...Хохирогч н.Ундрах-Оргилын өмгөөлөгч Б.Бат-Ерөөлтийн зүгээс хэргийн материалтай танилцах боломжоор хангаж шүүх хуралдааныг хойшлуулж өгнө үү...” гэх хүсэлтийг гаргасныг хүлээн авч шүүгдэгч Н.Өнөрцэцэгт холбогдох хэргийг хянан хэлэлцэх шүүх хуралдааныг 2024 оны долоодугаар сарын 18-ны өдрийн 13 цаг 30 минут хүртэл хугацаагаар хойшлуулж шийдвэрлэв.

09.30 цаг: 

Сүхбаатар дүүргийн шүүхэд өнөөдөр “Зариг” сайтын эрхлэгч, сэтгүүлч Н.Өнөрцэцэгт холбогдох шүүх хурал өнөөдөр 09.00 цагт эхэллээ. Сэтгүүлч Н.Өнөрцэцэгт холбогдох хэргийн шүүх хурлыг 2024 оны зургаадугаар сарын 4-нд товлосон боловч шүүхээс долоодугаар сарын 1-ний өдрийг хүртэл хойшлуулах шийдвэр гаргасны дагуу товлосон цагтаа эхэлж, шүүх хурал хаалттай үргэлжилж буй юм.

Тэрбээр "Шүүх хурлыг нээлттэй явуулах ганц хүсэлтийг өгч байв.  

Түүнд анх Сонгинохайрхан дүүргийн Эрүүгийн хэргийн анхан шатны шүүхээс эрүүгийн хэрэг үүсгэж, яллагдагчаар татсан бөгөөд шүүхийн харьяаллыг өөрчилж, Сүхбаатар дүүргийн шүүх рүү шилжүүлжээ.

Сонгинохайрхан дүүргийн Эрүүгийн хэргийн анхан шатны шүүхийн 2023 оны арванхоёрдугаар сарын 28-ны өдрийн 13 дугаар шүүгчийн захирамжаар Прокуророос Н.Өнөрцэцэгийг: 

• Худал мэдээлэл тараасан гэх таван үйлдэл,
• Бусдын эд хөрөнгийг авахаар заналхийлсэн гэх нэг үйлдэл,
• Хувь хүний нууцыг задруулах гэх нэг үйлдэл,
• Татвар төлөхөөс зайлсхийх гэсэн нэг үйлдэл,
• Мөнгө угаах гэсэн нэг үйлдэл,
• Төрийн нууцыг хууль бусаар олж авах гэсэн нэг үйлдэлд тус тус эрүүгийн хэрэг үүсгэж, яллагдагчаар татсан.  

Мөн нэг үйлдэлд хэрэг бүртгэлтийн хэрэг нээн мөрдөн шалгах ажиллагаа явуулж байгаа нөхцөл байдал тогтоогдсон  хэмээн буруутгаж буй юм.