Халдварт өвчин судлалын үндэсний төв (ХӨСҮТ)-ийн захирлаар ажиллаж байсан Д.Нямхүү, "ДУБ" ХХК-ийн эрх бүхий албан тушаалтан Д.Бархүү нарт холбогдох хэргийг Баянзүрх дүүргийн Эрүүгийн хэргийн анхан шатны шүүхэд өчигдөр, өнөөдөр хоёр өдрийн турш хэлэлцжээ.

Д.Нямхүү хувийн эмнэлэгт ашиглаж байсан компьютер томографыг ХӨСҮТ-д өндөр үнээр авсан хэмээн буруутгагдсан юм.

Энэ шүүх хуралд гэрчээр Эрүүл мэндийн сайд асан Д.Сарангэрэл, ЭМЯ-ны Төрийн нарийн бичгийн даргаар ажиллаж байсан Я.Амаржаргал, ХӨСҮТ-ийн Санхүүгийн албаны дарга Г.Хунзаяа болон Д.Бямбасүрэн, Ч.Хүрэлбаатар гэсэн таван хүнийг гэрчээр оролцуулахаар дуудсан байв. Гэвч зарим гэрч шүүх хуралд ирээгүй байна.