ШУТИС болон Санко Группийн хамтын ажиллагааны 20 жилийн ойг тохиолдуулан, боловсролыг дэмжигч байгууллага “Санко Маркетинг Монголиа ХХК” 330 сая төгрөгийн хөрөнгө оруулалтаар, MAXHUB брэндийн дэвшилтэт технологийн цогц шийдлээр ШУТИС-ийн эрдэмтэн, судлаачдын оюуны бүтээл туурвидаг, их сургуулийн хөгжлийн бодлого, стратегийн чухал шийдвэрүүдийг гаргадаг, хүндэт профессор, докторын цол олгодог, дотоод гадаадын хүндэт зочдыг хүлээн авдаг “Эрдмийн зөвлөлийн хурлын танхим”-ийг бүрэн шинэчлэн, орчин үеийн “Дижитал хурлын танхим” болгон хүлээлгэн өглөө.  

Мөн энэ жил MAXHUB брэндийг Монгол Улсад амжилттай нэвтрүүлсний 5 жилийн ойтой давхцан энэхүү төсөл хэрэгжсэн нь Санко Групп болон ШУТИС-ийн хамтын ажиллагааг батжуулсан, боловсролын салбар дахь технологийн шинэ эрин, инновацын орчныг бүрдүүлсэн бодит алхам боллоо. 

“Санко Маркетинг Монголиа ХХК” нь дэлхийд тэргүүлэгч ухаалаг дэлгэцийн MAXHUB брэндийн албан ёсны дистрибьютерээр 5 жил амжилттай ажиллаж, зах зээлийнхээ №1 тэргүүлэгч брэнд болж чадсанаа энэ оны 11-р сарын 11-нд баяртайгаар тэмдэглэх гэж байна. 

Энэхүү онцгой амжилтыг хамтдаа бүтээлцэж, бидэнд итгэн, дэмжлэг үзүүлж хамтран ажилласан харилцагч, хамт олон, түнш байгууллагууддаа гүн талархал илэрхийлье. 

💡 MAXHUB ТЕХНОЛОГИОР БҮХНИЙГ 

Энэхүү дижитал шинэчлэлийн хүрээнд MAXHUB брэндийн дэвшилтэт технологид суурилсан дараах ухаалаг төхөөрөмж, системүүдийг суурилууллаа. 
Эдгээр шийдэл нь зөвхөн технологийн дэвшил бус, орчин үеийн интерактив харилцаа холбоо, удирдлагын цогц экосистемийг бүрдүүлж байна. 

    XBoard V7 Series 98” ухаалаг дэлгэц 

    Capture System — Таазны микрофон болон AI технологид суурилсан “Auto-Tracking 4K PTZ” камерын систем 

    Smart Lectern – Ухаалаг интерактив индэр (микрофон болон аудио холболт) 

    Commercial Display — Хурлын нэмэлт дэлгэц  

    Room Booking Display — Өрөө захиалгын систем 

    Digital Wireless + Voting Conference System — Утасгүй микрофон, санал хураалт болон дууны нэгдсэн ухаалаг систем 

    Digital Name Plate — Хуралд оролцогчдын дижитал нэрийн хуудас 

    Ceiling Speakers — Таазны аудио систем 

Харин хурлын танхимын тавилга, интерьерийн шийдлийг олон улсад танигдсан M&W брэндийн хурлын ширээ, сандлаар бүрэн шинэчилсэн бөгөөд энэ нь орчны тав тух, дизайн, чанарын төгс хослол болсон шийдэл юм. 

M&W нь өрөөний онцлогт нийцсэн, тав тух ба хэрэглээний уялдаа, орчин үеийн загварыг хослуулсан олон улсад танигдсан хурлын тавилгын шийдлүүдийг санал болгодог глобал брэнд юм. 

🌐 HYBRID meeting — ДЭЛХИЙН ШИНЭ ЧИГ ХАНДЛАГА 

Дэлхий даяар бизнес, боловсрол, төрийн байгууллагуудын хурал уулзалтын хэлбэр “Hybrid meeting” буюу танхим ба цахим хосолсон хэлбэр рүү бүрэн шилжиж байна. 

COVID-19 тахлын өмнө оффист ажиллагсад илүү давуу байдалтай байсан бол, тахлын үеэр хүн бүр ижил нөхцөлд — цахимаар холбогдон хуралд оролцох болсон. Тахлын дараа дэлхий даяар “Hybrid meeting” соёл төлөвшиж, байршлаас үл хамааран, хаанаас ч холбогдож, хуралд тэгш хүртээмжтэй оролцон хамтран ажиллах шинэ чиг хандлага эрчимжиж байна. 

Өнөөдөр байгууллагууд хурлын эцсийн үр дүн ба чанарыг сайжруулах, цаг хугацаа алдалгүй, хурдтай бөгөөд үр дүнтэй шийдвэр гаргах орчныг бүрдүүлэхэд анхаарч, хурлын өрөөний технологио шинэчилж байна. Ийнхүү “Hybrid meeting” соёл нь цаг хугацааг хэмнэж, бүтээмжийг нэмэгдүүлж, зардлыг бууруулан, байршлаас үл хамаарч чөлөөтэй ажиллах дижитал орчныг бүрдүүлэх шинэ эрин эхлүүлж байна. 

💻 ДИЖИТАЛ ХУРЛЫН ТАНХИМЫН ХЭРЭГЛЭЭ БА ДАВУУ ТАЛ 

Энэхүү танхимын гол концепт нь орчин үеийн Hybrid meeting (танхим ба цахим хосолсон хурлын) шийдлийг бүрэн нэвтрүүлэхэд чиглэсэн. Өнөөгийн байгууллагуудад уулзалт, зөвлөгөөн, хамтын ажиллагаа хамгийн үнэ цэнтэй хэдий ч, ажлын завгүй хэмнэл, их хотын түгжрэл, авто зогсоолын хомсдол, стресс, нэмэлт зардал, тухгүй хурлын орчин зэрэг бодит бэрхшээлүүд нь уулзалтын үр дүнг бууруулж, хамтын шийдвэрийг удаашруулдаг. 

Харин MAXHUB брэндийн цогц Hybrid meeting шийдэл нь эдгээр саадыг арилгаж, “Хүн технологид бус, технологи хүнд үйлчлэх” шинэ соёлыг нэвтрүүлж байна. Ингэснээр хурал зөвхөн нэг өрөөнд бус, орон зай, цаг хугацаа, платформоос үл хамаарсан дижитал орчинд үр дүнтэйгээр өрнөх боломжийг бүрдүүлж байна. 

IT’S A MAXHUB - ШИНЭ ТЕХНОЛОГИ, ТӨГС ХУРАЛ 

MAXHUB бол зүгээр нэг дэлгэц, самбар биш — хүмүүсийг холбож, хамтын орон зайг ухаалаг хэлбэрээр бүтээх шинэ эрин үеийн тренд юм. Бидний зорилго бол хурлыг илүү хялбар, хүртээмжтэй, үр дүнтэй болгохын зэрэгцээ байгууллага бүрд хурлын шинэ стандартыг тогтоох явдал юм. 

Дижитал шилжилт бол ирээдүй биш, өнөөдрийн хэрэгцээ. MAXHUB-ийн “Hybrid meeting” шийдэл нь танай хамт олны цагийг хэмнэж, оролцоог нэмэгдүүлж, хамтын шийдвэрийг хурдан гаргах ухаалаг орчныг бүрдүүлнэ. 

Бид чанарыг технологитой, үнэ цэнийг хамтын ажиллагаатай, сэтгэл ханамжийг итгэлтэйгээр хослуулна.