Монголд анх удаагаа зохион байгуулж буй “FIBA 3x3 World Cup 2025” сагсан бөмбөгийн дэлхийн аварга шалгаруулах тэмцээн өчигдөр (06.24)-нд эхэлсэн.

Тус тэмцээн нь Азид есөн жилийн дараа зохиогдож байгаа бөгөөд 27 орны 40 багийн 160 тамирчин өрсөлдөж буй.

Манай эрэгтэй шигшээ баг өчигдөр Латви, АНУ-ын шигшээ багтай өрсөлдсөн. Тодруулбал, чансааны 7-р байрт эрэмбэтэй Латвид (16:21), дэд байрт эрэмбэтэй АНУ-д (18:21)-ээр хожигдсон. Ингэснээр хасагдах шатанд үлдэхийн тулд сүүлийн хоёр тоглолтод хожих шаардлагатай болсон юм.

Харин манай эмэгтэй шигшээ баг "D" хэсэгт Герман, Украйн, Бразил, Испани багтай таарсан.

Өнөөдөр хэсгийн эхний тоглолтоо 18:25 цагаас Бразилын шигшээ багийн эсрэг тоглоно. Үргэлжлүүлээд 20:15 цагт Испанийн шигшээ багтай өрсөлдөнө.

“FIBA 3x3 World Cup” тэмцээний хоёр дахь өдрийн хуваарь

Гэрэл зургийг: Г.Өнөболд