Өнөөдрийн Засгийн газрын ээлжит хуралдаанаас гарсан зарим шийдвэрийг танилцуулж байна. 

Засгийн газрын хэрэг эрхлэх газрын дарга С.Бямбацогт:

Өнгөрсөн 8 дугаар сард гарсан захирамжаар Монгол Улсад Зэс хайлуулах үйлдвэр байгуулахаар болсон. Сүүлийн 50 жил яригдаж буй төсөл бөгөөд миний бие ахалж байна. ТЭЗҮ-г боловсруулж, зэс хайлуулах үйлдвэрийг сонгон шалгаруулах ажлын хэсгийг байгуулсан, энэ чиглэлд үйл ажиллагаа явуулдаг дэлхийд тэргүүлэгч олон байгууллагатай холбоо тогтоосон.

Уг ажилд хоёр жилийн хугацаанд 700 сая орчим ам.долларын хөрөнгө оруулалт хийх төлөвтэй. 

Дэлхийн 20 гаруй орны 55 компанид манай ГХЯ болон гадаад суугаа ЭСЯ-даар дамжуулж, мөн манай улсад суугаа ЭСЯ-даар дамжуулж урилга хүргүүлж, эхний сонгон шалгаруулалтыг зарласан. Үүний үр дүнд 7 улсын 13 компани хамтран ажиллах саналаа ирүүлсэн. Улмаар туршлагатай эдгээр компаниас 4-ийг тэнцсэнд тооцож, зарлаж байна. Цаашлаад эдгээрээс нэгийг нь сонгох үүргийг Засгийн газрын хуралдаанаар гаргалаа. 

Сүүлийн шатанд шалгаад буй дөрвөн компанийг дурдвал: 

1. БНХАУ-ын НФС компаниа
2. БНХАУ-ын Жэнши Копр компаниа
3. БНХАУ-ын Линтоу Нюэнержи технологи компаниа
4. Швейцар улсын Глинкор интернэйшнл ЛЖ гэсэн дөрвөн компани дараагийн шатанд шалгараад байна. 

Зэс хайлуулах, баяжмал боловсруулах үйлдвэрийг гүйцэтгэх компанийг сонгох шалгаруулах ажлыг энэ оны эхний улиралдаа багтаан хийнэ. Бидний хувьд тэднээс хамгийн их туршлагатай, хамгийн өндөр технологитой, хамгийн сайн стратегийн хөрөнгө оруулагчийг шалгаруулах бодлого барих болно. Сонгон шалгаруулалтыг ил тод нээлттэй, шударга өрсөлдөөнөөр, алдаа маддаггүйгээр хэрэгжүүлэх ёстой. Зэс боловсруулах үйлдвэртэй болсноор Эрдэнэт ТӨХК-ийн олборлож буй зэсийг бүрэн боловсруулж, жилдээ 120 мянган тонн цэвэр зэс гаргах боломжтой болох юм. Уг ажилд хоёр жилийн хугацаанд 700 сая орчим ам.долларын хөрөнгө оруулалт хийх төлөвтэй байна.