Монгол өв соёл, уламжлал, морин спортыг дэлхийд сурталчлахаар олон жил сургасан 18 морио хулгайд алдсан тухай мэдээллийг иргэн цахим хуудсандаа нийтэлж, олсон хүнд 10 сая төгрөгийн шагнал амлаж байв. Цагдаагийн байгууллагаас морьдыг хулгайлан авч явсан этгээдүүд илрүүлсэн гэж мэдээллээ. 

ЦЕГ-аас “Хэргийг үргэлжлүүлэн шалгаж байна. Урьдчилсан байдлаар морьдыг бойд өгч төхөөрсөн нөхцөлийг тогтоосон” гэв.

Морьдын эзэн “Харамсалтай мэдээ хүргэж байна. Сайхан хүлгүүдийг минь бүгдийг нь махалчхаж. Долоон жил хөдөлмөрлөж хайрлаж, хамгаалж үнэнч андаа болгосон юм сан. Олон хүүхдийг Монгол өв соёлд сургаж морь унаж эдлэх аргад дурлуулж , олон морьт харвааны тамирчдыг төрүүлэн гаргах их үйлсийг бүтээлцсэн хайран сайхан хүлгүүд минь” хэмээн цахим хуудсандаа бичжээ.