УИХ-ын чуулганы нэгдсэн хуралдаан Ерөнхий сайдад итгэл үзүүлэх асуудлыг хэлэлцэж байна. 

УИХ-ын гишүүн С.Цэнгүүн "Би Z үеийн төлөөлөл болж парламентад сууж байгаа хүний хувьд залуучуудынхаа дуу хоолойг илэрхийлж байна. Залуучууд Ерөнхий сайд хэн байхаас хамаарч орлогоо нотол гэж байгаа юм. Та Ерөнхийлөгчөөр байсан Х.Баттулгыг өөрийнхөө зөвлөхөөр авч байсан. Түүний баримталдаг бодлогуудтай адилхан байр суурь илэрхийлдэг учраас таны эсрэг оюуны төлөөлөл болсон хүмүүс байдаг гэдгийг харах хэрэгтэй болов уу. Өчигдөр "ДЦС-3"-т гарсан гэмтлийн үеэр инженер залуу амиа алдсан гэсэн мэдээлэл байна. Салбарын сайдаас тодруулсан ч хариу өгсөнгүй, албан бичиг өгөөд ч хариу аваагүй байна. Гэмтэл гарч хүн амиа алдах үеэр тэнд байсан хүмүүсийг гаргахгүй, утсыг нь хурааж авсан гэсэн мэдээлэл байна. Хүмүүсийг мэдээлэл гаргавал ажлаас чинь хална гэсэн байна. Энэ асуудлыг хэзээ гаргаж ярих юм бэ. Эрчим хүчний сайд Б.Чойжилсүрэнг та хэр ажилласан гэж үзэж байна вэ. УИХ эрчим хүчний реформд манлайлж ажилласан гэж бодож байна. Харин асуудал Засгийн газарт очоод унасан" гэсэн юм. 

Түүний асуултад Ерөнхий сайд дараах хариултыг өгсөн бөгөөд Эрчим хүчний сайд болон станцад болсон хэрэгт тодорхой тайлбар өгсөнгүй.