Монголын үүрэн телефоны анхдагч Мобиком Корпорацийн 30 жилийн ойд зориулсан улс, аймгийн алдар цолтой хүчит 128 бөхийн барилдаан 3-р сарын 22-ны ням гарагийн 11.00 цагт Монгол бөхийн өргөөнд эхэлнэ. 

“Мобиком-30 жил” барилдаан хоёр үе шаттай. Эхнийх нь улс, аймгийн цолтой 128 бөхийн барилдаан. Удаах нь чансаа өндөр 16 бөхөөс хамгийн олон санал авсан дөрвөн бөхийн халз барилдаан.

Халз барилдааны санал асуулгыг 3-р сарын 13-ны баасан гарагаас эхлэн 10 хоногийн хугацаанд явуулж, өнөөдөр /2026.03.22/ 18.00 цагт санал хураалтын шугамыг хаалаа.

Санал асуулгын дүнгээр: 

• Улсын заан М.Лхагвагэрэл- 43781
• Улсын аварга О.Хангай-  39481
• Улсын арслан Б.Орхонбаяр- 39472
• Улсын арслан Э.Батмагнай- 38662 саналаар эхний дөрөвт багтаж, халз барилдаанд зодоглох боллоо.

Чансаа өндөр 16 бөхийн санал авсан байдлыг харах бол ЭНД дарна уу. 

Улс, аймгийн цолтой хүчит 128 бөхийн барилдааны дараа халз барилдааныг зохион байгуулах бөгөөд энэхүү барилдааныг зөвхөн VOO smart TV аппликэйшн болон www.voo.mn -ий VOO LIVE цэснээс үзэх боломжтой. 

Хэрэв та: 

• Гар утсаар үзэх бол VOO aпп-ны VMAX суваг
• Зөөврийн төхөөрөмжөөр үзэх бол www.voo.mn -ий VOO LIVE 
• Зурагтаар үзэх бол  Smart TV дээрээ VOO smart TV апп-ыг суулган VOO LIVE -аас халз барилдааныг шууд үзээрэй. 

Шууд үзэх боломжгүй гадуур явж байвал гар утас, ухаалаг төхөөрөмждөө Sonsy апп-ыг татаж, үндэсний бөхийн тайлбарлагч Ц.Батнасангийн тайлбартайгаар сонсож болно. 

Халз барилдааны шагналын сан 40 сая төгрөг.

• Түрүү бөх - 20 сая төгрөг
• Үзүүр бөх 10 сая төгрөг 
• Шөвгийн хоёр бөх тус бүр 5  сая төгрөгийн шагналтай.