АНУ-ын ерөнхийлөгч Дональд Трамп Цагаан ордон дахь "Ерөнхийлөгчийн алдрын гудамж" буюу өмнөх ерөнхийлөгч нарын хөргүүдийн доор нэмэлт тайлбартай самбаруудыг байршуулжээ.

Ингэхдээ Жо Байдены хөрөг зургийг "гарын үсэг зурдаг автомат үзэгний" зургаар сольж тавьсан бөгөөд "Унтамхай Жо Америкийн түүхэн дэх хамгийн муу ерөнхийлөгч байсан. 

Сонгуулийг луйвардаж ерөнхийлөгчийн суудалд очсон. Түүний баримталсан бодлого урьд өмнө байгаагүй хамгийн өндөр инфляцын түвшинд хүргэсэн. 

Түүний сул дорой байдлыг ашиглаж ОХУ Украиныг эзэлсэн бас Хамас бүлэглэл Израил руу халдсан" гэжээ. 

Харин Барак Обамаг "Америкийн түүхэн дэх хамгийн их хагарал үүсгэсэн ерөнхийлөгч. Ерөнхийлөгч байхдаа маш үр дүнгүй хууль баталсан. Энэ нь түүний нам Конгресст олонхын суудлаа алдах шалтгаан болсон" гэсэн байна. 

Мөн ерөнхийлөгч асан Жорж Бушын самбарт "болох ёсгүй байсан Афганистан, Иракийн дайныг эхлүүлсэн" гэж бичжээ. 

Харин өөрийнхөө самбарт бүх "гавьяа, амжилтаа" дурдаад найман сарын хугацаанд найман дайн дуусгасан гэж онцолсон байна. 

Эх сурвалж: Aljazeera