Монполимет Группийн Монцемент Билдинг Материалс ХХК Asia Corporate Excellence & Sustainability Awards (ACES)-ын “Азийн аж үйлдвэржилтийн манлайлагч” шагналыг хүртлээ.

ACES Awards нь 2014 оноос эхлэн Ази тивийн тогтвортой өсөлт, инноваци, удирдлагын шилдэг туршлагыг дэмжих зорилгоор зохион байгуулагдаж жил бүр өрсөлдөөн нь ширүүсэж буй нэр хүндтэй олон улсын шагнал юм.

Энэ жилийн шагнал гардуулах ёслол 11-р сарын 28-нд Индонезийн Бали аралд болж, бүс нутгийн 800 гаруй удирдагч, компаниуд өрсөлдсөнөөс Монцемент салбартаа тэргүүлэн тодорлоо.

Монполимет Групп нь үйл ажиллагаа явуулсан 33 жилийн хугацаанд олон сорилтыг туулсаар ирсэн ч тогтвортой хөгжлийн зорилтыг хангах чиглэлд хичээнгүйлэн ажиллаж, өнөөдрийг хүртэл тавьсан зорилт, зорилтуудаа биелүүлсээр өнөөдрийг хүрсэн нь энэхүү нэр хүндтэй шагналыг хүртэхэд чухал нөлөө үзүүлжээ. Өмнө нь харилцаа холбооны чиглэлд Мобиком групп энэхүү шагналыг хүртэж байсан бол аж үйлдвэрийн салбараас Монцемент групп ийнхүү анхдагч болж байгаа юм байна. 

Инноваци ба ногоон үйлдвэрлэл – Монцементийн өсөлтийн гол хүч

Монцемент Билдинг Материалс ХХК  нь Дорноговь аймгийн Өргөн суманд  2015 хуурай аргын үйлдвэрийг ашиглалтад оруулсан. Тус үйлдвэр нь  жилдээ нэг сая тонн цемент үйлдвэрлэх хүчин чадалтай, өндөр бүтээмжтэй, байгальд ээлтэй шийдлээрээ үндэсний бүтээн байгуулалтад бодит хувь нэмэр оруулж байна.

Тус компани Монголд анх удаа үйлдвэрийн хаягдал дулааныг дахин ашиглан 5 МВт цахилгаан үйлдвэрлэдэг WHR (Waste Heat Recovery) систем нэвтрүүлсэн. Энэхүү технологиор жил бүр 80-100 мянган тонн CO₂ ялгарлыг бууруулах боломж бүрдүүлдэг нь дөрвөн сая мод тарьсантай тэнцэхүйц нөлөөтэй юм.

Үүнээс гадна үйлдвэрлэлдээ:

• Эрчим хүчний хэмнэлттэй тоног төхөөрөмж
• Ухаалаг хяналтын бүрэн автомат систем
• Үйлдвэрлэлийн усны 90%-ийг дахин ашигладаг усны менежмент
• Дижитал борлуулалтын аппликэйшн, real-time GPS хүргэлтийн хяналт
  зэрэг олон улсын орчин үеийн шийдлүүдийг нэвтрүүлж, салбартаа стандартыг шинэ түвшинд тогтоож байна.

Тус компани ISO 9001:2015, ISO 45001 стандартуудын дагуу үйл ажиллагаагаа явуулж чанар, аюулгүй байдлын удирдлагын тогтолцооны жишгийг тогтоосон.

Орон нутагт чиглэсэн бодит хөрөнгө оруулалт, хүн төвтэй бодлого

Монцемент үйлдвэрлэлийнхаа хажуугаар орон нутгийн хөгжил, нийгмийн хариуцлагад урт хугацааны бодлоготой анхаарч ажилладаг. Тухайлбал:

• UNICEF-тэй хамтран боловсролын хүртээмжийг сайжруулах төсөл хэрэгжүүлж, дижитал анги танхим, багшийн сургалтаар Өргөн сумын хүүхдийн боловсролд бодит дэмжлэг үзүүлж байна.
• Өргөн сумын олон жил шийдэгдээгүй ахуйн усны хангамжийн асуудлыг 11.2 км урт шинэ шугам хоолой барьж бүрэн шийдвэрлэн сумын иргэдэд хүлээлгэн өгсөн.
• Ажилчдын нийгмийн хэрэгцээг дэмжих зорилгоор 160 айлын орон сууц, гэр бүлд ээлтэй бодлого, эрүүл мэндийн хөтөлбөрүүд хэрэгжүүлүүлдэг. Ингэснээр Монголын хамгийн гэр бүлд ээлтэй ажлын байрыг бий болгож буй.

Ирээдүй – Тэг зарцуулалт, тойрог эдийн засаг, нээлттэй байдал

Монцементийн урт хугацааны зорилт нь Монголын барилгын салбарыг илүү ногоон, тогтвортой, өрсөлдөх чадвартай болгож шинэ шатанд гаргах явдал юм. Үүнд:

• Хүлэмжийн хийг тэг түвшинд хүртэл бууруулах технологи
• Тойрог эдийн засгийн шийдлүүд
• Ил тод, автоматжуулсан систем бүхий дижитал шилжилт
• Дотоодын болон олон улсын байгууллагуудтай хамтын ажиллагааг өргөжүүлэх
  зэргийг багтааж байна.

Мөн тус компани Монголын цементийн салбарын хөгжил, мэдлэг солилцооны экосистемийг бий болгох үүднээс “Cement Expo Mongolia” олон улсын арга хэмжээг санаачлан жил бүр зохион байгуулж буй.

Инновацид түшиглэсэн үйлдвэрлэл, нийгмийн хариуцлага, тогтвортой хөгжлийн зарчмыг хэрэгжүүлсэн бизнес моделээрээ Монцемент нь зөвхөн цемент үйлдвэрлэгч бус, Монгол Улсын тогтвортой хөгжлийн стратегийн чухал тоглогч, үндэсний манлайлагч компанийн нэг гэдгээ ACES Awards-аар дахин нотоллоо.