УИХ-ын дарга Н.Учралын ОХУ-д хийсэн айлчлал энэ сарын 12-нд өндөрлөв. Айлчлалын бүрэлдэхүүнд Зам тээврийн сайд Б.Дэлгэрсайхан багтсан. Тэрээр хоёр улсын парламентын хамтын ажиллагааны, хоёрдугаар хуралд оролцов.

Энэ үеэр Улаанбаатар-Москва чиглэлийн нислэгийг ирэх дөрөвдүгээр сард эхлүүлэхээр бэлтгэж байгааг танилцуулав. Онгоц замдаа ОХУ-ын Красноярск хотод арилжааны буулт хийх тул Монголын "Аэро Монголиа" компанид зөвшөөрөл олгохыг Оросын талаас хүслээ. 

ОХУ-Украины дайны улмаас 2022 оноос хойш хоёр улсын нийслэлийг холбосон, шууд нислэг зогссон. Хэрэв замдаа аль нэг хотод түр зогсохгүй бол УБ-Москва чиглэлд долоон цаг, Москва-УБ чиглэлд таван цаг орчим нисэх боломжтой юм.