Дэлхийн түүхэд дөрөвдүгээр сарын 26-нд болсон онцлох гурван үйл явдлыг танилцуулъя.

1954 оны дөрөвдүгээр сарын 26. Полио вирусний вакциныг туршиж эхлэв

1952 оноос боловсруулж эхэлсэн Полио вирусний вакциныг хүүхдүүдэд амжилттай туршсан гэж Питтсбургийн их сургуулийн эрдэмтдийн баг 1954 оны дөрөвдүгээр сарын 26-нд мэдэгджээ.

Туршилтад АНУ, Канад, Финландын хүүхдүүдийг хамруулсан бөгөөд жилийн дараа 1955 оны дөрөвдүгээр сарын 12-нд вакцин үр дүнтэй, аюулгүй болохыг баталсан юм.

Полио нь вирусээр үүсгэгдэж, ихэвчлэн хүүхдүүдэд хүндээр тусдаг халдварт өвчин бөгөөд хүний мэдрэлд нөлөөлж булчингийн үүсгэдэг байна.

1954 оны дөрөвдүгээр сарын 26. "Seven Samurai" кино гарав

Кино урлагийн түүхэд алдаршсан шилдэг кино, Акира Күросавагийн бүтээл "Seven Samurai" 1954 оны дөрөвдүгээр сарын 26-нд АНУ-д гарчээ.

Гурван цаг орчим үргэлжилдэг кино тухайн цаг үед Японд бүтээгдсэн хамгийн үнэтэй, мөн Японоос хамгийн их ашиг олсон кинонуудын нэг болсон юм.

2018 онд BBC-ээс явуулсан олон улсын кино шүүмжлэгчдийн санал асуулгаар англиас өөр хэлээр бүтээгдсэн хамгийн шилдэг киногоор нэрлэгдсэн.

1986 оны дөрөвдүгээр сарын 26. Чернобылийн атомын цахилгаан станцын осол

ЗХУ-ын харьяа Украины газар нутаг дахь Чернобылийн атомын цахилгаан станцад 1986 оны дөрөвдүгээр сарын 26-нд цөмийн осол гарсан.

Цөмийн эрчим хүчний үйлдвэрийн түүхэд гарсан хамгийн том осол энэ бөгөөд цөмийн гамшгийн хэмжүүрээр 7-р зэрэгт орох ганц осол юм.

Эрчим хүчний системд гарсан алдааны улмаас хэд хэдэн дэлбэрэлт болж цацраг идэвхт бодис дэгдсэн бөгөөд шууд нөлөөгөөр нь 100 гаруй хүн амь үрэгджээ.