GoGo.mn сайт дэлхийд тэргүүлэх, нэр хүндтэй мэдээллийн агентлагуудын нэг болох Ройтерс агентлагтай урт хугацааны хамтын ажиллагааны гэрээ байгууллаа. 

Албан ёсны хамтын ажиллагааг эхлүүлснээр GoGo.mn сайт нь Ройтерс агентлагаас баталгаатай, мэргэжлийн зураг болон текст контентыг авч, ашиглах боломж бүрдэв. 

Мэдээллийн найдвартай эх сурвалж зорилгын хүрээнд үйл ажиллагаа явуулдаг GoGo.mn сайт уншигчдад найдвартай, баталгаатай мэдээллийг хүргэх үүднээс ийнхүү гадаад эх сурвалжаа тэлэн, оюуны өмчийн зөвшөөрөлтэй контентыг уншигчдадаа хүргэж байна. 

Ройтерс агентлаг өдгөө дэлхийн 200 орчим байршилд 2500 сэтгүүлч, 600 гаруй гэрэл зурагчны өргөн бүрэлдэхүүнтэйгээр үйл ажиллагаа явуулж байна.  

1851 онд үүсгэн байгуулагдсан Ройтерс агентлаг нь үнэн зөв,төвийг сахисан, тэнцвэртэй мэдээлэл түгээдгээрээ олон улсад хүлээн зөвшөөрөгдсөн нэр хүндтэй байгууллага билээ. 

Уншигч Та бүхэн Дэлхийд цэсээс гадаад улсад болж буй үйл явдлын мэдээг цаг алдалгүй уншаарай.