Английн Премьер лигийн аварга болсон Ливерпүүл клубийн дэмжигчид баярын жагсаал хийх үеэр автомашинтай этгээд олныг дайрч, 27 хүн эмнэлэгт хүргэгджээ.

Бэртсэн хүмүүсийн хоёрынх нь биеийн байдал хүнд байгаа аж. Цагдаагийн байгууллага уг хэргийг терроризмтой холбоогүй гэж мэдэгдсэн байна.

Уг хэргийг Ливерпүүл хотын оршин суугч, 53 настай эрэгтэй үйлдсэн бөгөөд түүнийг баривчилсан. Эмнэлэгт хүргэгдсэн хүмүүсийн дөрөв нь хүүхэд байжээ.

Машин зогсоход ойролцоо байсан хөгжөөн дэмжигчид цонхыг нь хагалж эхэлсэн тул жолоочид халдахаас нь сэргийлж, цагдаа нар арга хэмжээ авсан байна. 

Их Британи даяар бүх нийтийн амралтын өдөр тохиож, ихэнх хүмүүс ажилгүй байсан тул Ливерпүүл хотод хэдэн зуун мянган хөгжөөн дэмжигч цугларсан байжээ. 

Эх сурвалж: ВВС