#CS2 ESL Challenger League Season 48: Asia тэмцээнд Монголын зургаан баг оролцсоноос The Huns Esports, ATOX Esports, IHC Esports багууд нь playoffs-т шалгарлаа.

"ESL Pro League S21" тэмцээний эрх олгох "ESL Challenger League Season 48: Asia" тэмцээний хэсгийн шатны тоглолтууд дууслаа.

Монголын зургаан баг уг тэмцээнд оролцсоноос гурав нь playoffs-т тоглох эрхээ авав.

Тодруулбал, "The Huns Esports", "ATOX Esports", "IHC Esports" багууд playoffs-т тоглох болсон. Харин "Clutch Gaming", "The QUBE Esports", "Nomads" багууд тэмцээнээ дуусгав.

• Б.Эрдэнэдалай "maaRaa"-н залуус Team Vitality-д гурав дахь удаа хожигдлоо
• The MongolZ анх удаа Virtus.pro-г хожлоо
• Өнөөдөр эхлэх "IEM Rio 2024" тэмцээнд The MongolZ оролцоно

Баярмаагийн "hasteka" Чингүүн, Машбатын "Tsogoo" Цог тэргүүтэй Clutch Gaming баг 7 хожиж 23 хожигдож 21 оноо цуглуулж 16 багаас 15-р байрт орсноор дараа улирлалд нээлттэй сонгон шалгаруулалтаас тоглохоор болов.

Отгонбаярын "Tugu" Төгөлдөр, Болдбаатарын "rate" Тэнгис тэргүүтэй The QUBE Esports баг 11 хожиж, 19 хожигдон 33 оноо цуглуулснаар 12-р байр эзэлж 300 ам.долларын (1 сая төгрөг) шагнал авсан бөгөөд дараагийн "Season 49"-т оролцох боломжтой үлдсэн.

Баасанжаргалын "ctrlmad" Өнөдэлгэр, Батзоригийн "shinobi" Тэлмэн тэргүүтэй Nomads баг 12 хожиж 17 хожигдон 36 оноо цуглуулснаар 500 ам.долларын (1.7 сая төгрөг) шагнал авсан ба мөн "Season 49"-т оролцох эрхтэй тэмцээнээ дуусгав.

Харин playoffs-т монголын хоёр баг хоорондоо таарсан бол The Huns Esports баг Хятадын Хао "rage" Юү тэргүүтэй "Bromo" багтай эхний тоглолтоо аравдугаар сарын 15-ны 20:00 цагаас хийнэ.

40 мянган ам.долларын (135 сая төгрөг) шагналын сантай ESL Challenger League нь Ази, Номхон далай, Европ, Хойд болон Өмнөд Америк гэсэн таван бүсэд болдог. Азийн бүсийн 48-р улиралд тэргүүлсэн хоёр баг нь ESL (Electronic Sports League)-ийн зохиодог "ESL Pro League" тэмцээний 21-р улирлын тэмцээнд оролцох эрхийг авах юм.