УИХ-ын чуулганы пүрэв гарагийн нэгдсэн хуралдаанаар Цусны донгорыг тухай хуулийн төсөл болон хамт өргөн мэдүүлсэн хуулийн төслүүдийг хэлэлцлээ. Одоо зарчмын зөрүүтэй 60 саналаар санал хураалт явуулах гэж байна.

Чуулганы танхимд 54 гишүүн байгаагаас 48 гишүүн санал хураалтад бэлэн болжээ. Өглөө 10.00 цагт ирцээ бүртгүүлсэн гишүүдээс 44 нь танхимыг орхин гарсан байна. 

Энэ үед УИХ-ын дарга С.Бямбацогт, Танхимд ирц хангалтгүй байгааг дурдаад, гишүүдийн зөвлөх, туслахууд гишүүнээ чуулганы танхим руу яаралтай явуулна уу. Өрөөндөө ажлаа хийж буй гишүүд чуулганы танхимд ирнэ үү. Зөвлөх, туслахууд гишүүнээ чуулганы хуралдаанд оролцуулах үүрэг хүлээдэг гэв. 

УИХ-ын гишүүдийн өнөөдрийн /2026.05.07/ ирц:

• Гадаад томилолттой- Х.Баасанжаргал, Ж.Бат-Эрдэнэ, Б.Баярбаатар, А.Ганбаатар, С.Ганбаатар, Ц.Даваасүрэн,  С.Зулпхар, С.Эрдэнэбат, Ч.Ундрам, М.Мандхай
• Орон нутгийн томилолттой- Л.Энхнасан, Г.Очирбат
• Эмнэлгийн чөлөөтэй- С.Цэнгүүн, Б.Тулга, П.Мөнхтулга
• Чөлөөтэй- М.Нарантуяа-Нара

Бусад гишүүд ирцээ бүртгүүлсэн байна.