Гадаадын залуу судлаачдыг Монголын түүх, ахуй амьдралтай танилцуулж, соёлын амьд харилцааны орчинд Монгол улсын эрдэмтэн судлаачидтай танилцуулан цаашид Монгол судлалын залгамж холбоог бэхжүүлэх зорилготой ‘’Залуу монгол судлаачдын зуны сургууль’’ эхэллээ.

Уг хөтөлбөрийг нь энэ сарын 05-18-ны өдрийг хүртэл зохион байгуулах юм. Энэ удаагийн зуны сургуульд зургаан орны 13 их дээд сургууль, эрдэм шинжилгээний байгууллагын 20 гаруй залуу монголч эрдэмтэн оролцож байгаа аж. Хөтөлбөрөөр эхний дөрөв хоногийг Улаанбаатар хотод танхимын сургалт орж үлдсэн хоногт хөдөө орон нутагт очин малчны ахуй амьдралтай биечлэн танилцуулах ажээ. Мөн нүүдлийн соёл иргэншлийн түүх, уламжлал, өнөөгийн байдалтай танилцуулж,  эрдэм шинжилгээний байгууллагууд, музей, номын сан зэрэг өөр өөр орчинд сургалтаа зохион байгуулах юм байна.

Залуу монголч судлаачдын "Эрдмийн хэлхээ" нийгэмлэгийн гүйцэтгэх захирал Ч.Мөнхтөр, "Монгол" судлалыг сонирхож буй залуусын тоо нэмэгдэхийн хэрээр тэдний монгол хэл, монголын талаарх мэдлэг ойлголт нь илүү өргөжин тэлсэн харагдаж байна. Мөн өнгөрсөн жилийн зуны сургуулийн төгсөгч нар эргэх холбоо сайтай байгаа төдийгүй өнөөдрийн ‘’Зуны сургууль’’-ийн нээлтэд хүрэлцэн ирсэнд нь баяртай байна гэлээ.
Монгол улсын боловсролын их сургуулийн Хэл шинжлэлийн докторант, БНСУ-аас хөтөлбөрт оролцогч, Монголд амьдраад 10 гаруй жил болж байна. Монголд удаан амьдарч байгаа ч соёл, ёс заншлын талаар нарийн мэдэхгүй учраас энэ сургалтад хамрагдаж илүү их зүйл сурахыг хүссэн. Мөн олон орноос ирсэн “Монгол” судлаачидтай танилцаж Монгол судлалыг яагаад сонирхох болсон, одоогоор юуг нь судалж байгааг ярилцахыг хүсэж байна гэв.
Туркийн Истанбулын Их сургуульд эртний турк хэл судлалаар суралцагч, БНТУ-аас хөтөлбөрт оролцогч, Монгол улсад анх удаа ирж байна. Истанбулын Их сургуульд байхдаа монгол багшаасаа энэ хөтөлбөрийн талаар мэдээлэл авсан. Монгол хэл болон соёлын талаар илүү их зүйл сурахыг хүсэж байна гэв.
Туркийн Истанбулын Их сургуулийн эртний англи хэл судлалын докторант, БНТУ-аас хөтөлбөрт оролцогч, Одоогоор цэргийн түүхийн талаар судалж байгаа учраас морины талаар судалгаа хийх шаардлагатай.  Монгол морины талаар илүү их зүйл мэдэхийг хүсэж байна. Монголд анх удаа ирж байгаа учраас бүх юм шинэлэг маш өвөрмөц гайхалтай санагдаж байна. Цаашид илүү их сонирхолтой зүйл үзнэ гэж найдаж байна гэсэн юм.
Зуны сургуулийн ерөнхий зохион байгуулагчаар Эдийн засаг, хөгжлийн яам, Боловсролын яам, Монгол судлалын үндэсний зөвлөл, Залуу Монгол судлаачдын ‘’Эрдмийн хэлхээ’’ нийгэмлэг ажиллаж байгаа аж.

Л.Оюунчимэг